Екі дүркін Батыр аналарға – еселі қамқорлық

Осыдан біраз уақыт бұрын төртем тапқан келіншектер туралы қалам тербеп отырып, бір баланың өзін қатарға қосудың өзі ана үшін аз уайым емес екенін ойлағанбыз. Әке-шеше әрбір перзенті үшін шыбын жанын шүберекке түйіп жүріп, тілекші, тәрбиеші, асыраушы болатынын айтудың өзі артық. Ал енді төртем тапқан қандай?! Дүниеге әкелген балаларының санын жетіге дейін жеткізіп, «Алтын алқа», «Күміс алқа» тағып отырған замандастарымызды Алла жарылқасын!  

Егемен Қазақстан
08.01.2018 1300
2

Бірақ біздің заманымызда сирек болса да 14-15-ке дейін бала тауып, бәрін өсіріп-өндіріп отырған жандар табылады. Әр аймақта, әр өңірде осыншама ұл-қызды ұясына да қондырып, қиясына да жетелеп, әрқайсысының қиындығы мен қызығына кезек көнген өрісті ата-аналарды неге бөле-жарып дәріптемейміз?

Бұлардың бейнеті кешегі Екінші дүниежүзілік соғыста екі дүркін Кеңес Одағының Батыры болғандардан бір мыс­қал да кем емес, артық бол­маса. Бұлар – екі дүркін Батыр аналар!

Сөзіміз құрғақ болмасын, осы заманда екі дүркін Ба­тыр аналар бар ма өзі деп, әлеу­­меттік желілерден сұрату салғыз­ғанымызда, бар болып шықты.

«Біздің Ақтөбе облысы Ыр­­ғыз ауданында 16 бала туған Асыл деген апамыз бар. Ме­нің құдашам 16-шы бала­сына тұрмысқа шықты. Сол кісінің балаларының бар­лығы еңге­зердей. Ең үлкені «Ал­памыс мектепке барады» киносындағы Мұнар ата сияқты. Тау ғой, тау. Қыздары да сондай. Асыл әже қазір неме­релерін бағып отыр. 16 ба­ласы, бүкіл құда-жек­жат­тары жиналғанда бүтін бір ауылдай болады ғой. Алтын құрсақты апамыздан айналып отырамын ылғи», дейді Бақыт Жаншаева.

«Біздің Маңғыстауда 15-17 бала тауып, тəрбиелеген бірнеше ана бар», деп жазады байырғы егемендік әріптесіміз Маңдайлы Қосымбай.

«Шешемнің Қамаш Сейіт­жанова деген апасы Алматыда тұрады. 20 баланы өмірге әкелген. Қазір 78 жасқа келді. Балаларының бәрі аман. Қа­маш апамыз немере-шөбере сүйіп отырған бақытты әже», депті Азамат Есенжол атты замандас. Сол сияқты Жансая Нұрта­зинова бір құрдасы 17 баланың бірі екендігін айтып, сүйінші сұрайды.

Ал Айткүл Шалғынбаева 18 бала тапқан ана бар екендігін айтады, ол кісінің отбасына кезінде «Газель» көлігі берілді. Енді балалары азамат болып кеткен болар десе, оның сөзін Ерлан Өрістембеков те қолдап, «Иә, ол кісі бар. 18 баласы да ержетті. Негізі 21 бала тапқан. Біздің ауылда тұрады. Бұлар Кар­шығаевтар отбасы. Балалары үйлі-баранды болып отыр. Қазір сол «Газелімен» Жалағаш пен ауыл ортасында қатынап жүр», деп қуаттайды. Сол сияқты Қаншагүл Мұста­фаева осы ақпаратты растап, «Бұлар Қар­шығаевтар отба­сы, жары Фати­ма апа. Негі­зі қаланың тұрғындары. Тіркеуде Қызылорда қаласында. Ал өздері Жалағаштың Еңбек ауылында тұрады. Бір баласы осыдан 3-4 жыл шамасында қайтыс болды. Басқа балалары балалы-шағалы болды», депті.

Енді Шымкент қаласынан Қарлығаш Егенова туысқан апасы Анар Батырова 15 бала тауып, оның 14-і аман-есен жетілгенін баяндайды. Қазір күйеуінің тегіне жазылып, Жапабаева болып жүр депті.

Қаламы қарымды әріп­тестің бірі Толқын Садырова 20 бала көтерген анадан сұх­бат алғанын жазады. Бір-екеуі шетінеп кеткен, екеуін енесі туыстарының бауырына салғанын, қалған 16 баланы өзі қатарға қосқанын айтады.

Ал журналист Айша Тұр­ма­­ғанбетова 18 бала ту­ған Қанай Құдайберген деген қайын апа­сы Теміртау қала­сы­ның қасын­дағы Ақтау кен­тінде тұра­тынын хабарлайды.

Бұл аз болса, Жеткер Жү­сіп Қызылорда облысының Терең­­өзек ауданында 23 бала тапқан ана бар, ұмытпасам ол кісі 4 рет егіз тапқан депті.

Енді қарап отырсақ, көп балалы аналарды «Алтын алқа» және «Күміс алқалармен» марапаттау туралы ел Президентінің 2016 жылғы 21 шілдедегі №303 Жарлығына сәйкес ана­ларға алтын және күміс алқа­ла­рымен қатар, орден кі­тап­ша­лары бері­летіні белгілі жә­не көп балалы аналарға, ал­қа иегерлеріне 6 АЕК, яғни 12 685 теңге көле­мінде арна­йы мем­л­екеттік жәрдемақы бе­рі­леді. Сонымен қоса, бұл са­наттағы азаматтарға Са­лық кодексіне сәйкес, салық тө­лемдері бойынша жеңіл­дік­тер қарастырылған.

Алайда 7 бала туған жә­не 17 бала өсірген алтын құрсақ­ты аналардың құқығы бірдей, бірақ бейнеті екі есе.

Ендеше екі дүркін Кеңес Одағының Батырлары кеткен заманның үлесінде қалсын деп тілейік. Бірақ екі дүркін Батыр аналарды неге ерекше қам­қорлыққа алмасқа?! Неге мемлекет тарапынан екі есе жақсылық жасамасқа! Олар ілуде біреу!

Айнаш ЕСАЛИ,

«Егемен Қазақстан»

СОҢҒЫ ЖАҢАЛЫҚТАР

24.01.2019

«Жетісу» мемлекеттік қызмет мектебінде сабақ басталды

24.01.2019

Қызылордада кәсіпкерге артық салық салынған

24.01.2019

Евгений Егембердиевтің Грозныйдағы турнирдегі қарсыласы анықталды

24.01.2019

Білім гранты - жарқын болашақ кепілі

24.01.2019

Нью-Йорк Таймс: Тұйықсу мұздығы түгесіліп барады

24.01.2019

Абылайхан Қайроллаев: Жастар жылында іргелі міндеттер белгілеп отырмыз

24.01.2019

Бақыт Сұлтанов «Қамқор» әлеуметтік қызмет көрсету орталығында болды

24.01.2019

Надежда Ногайға «допинг қолданды» деген айып тағылды

24.01.2019

Дзюдодан еліміздің әйелдер құрамасы Токиода жаттығып жүр

24.01.2019

Арайлым ЕСІМБЕКҚЫЗЫ: Флеш-моб, форумдарды азайтып, нақты жұмыстарды қолға аламыз

24.01.2019

Швецияда допты хоккейден әлем чемпионаты басталады

24.01.2019

Алматы облысының полицейлері телефон «лаңкесін» анықтады

24.01.2019

Жастарды қолдау – болашақты бағамдау

24.01.2019

Маңғыстауда онкологиялық аурулар салдарынан көз жұмғандар саны азайған

24.01.2019

Атыраудағы мигранттар неге заңды менсінбейді?

24.01.2019

Боинг компаниясы алғашқы әуе таксиін таныстырды

24.01.2019

Маңғыстауда «Protecting Business and investments» жобасы аясында кәсіпкерлерден 29 өтініш түскен

24.01.2019

Алматы облысында Нұрғиса Тілендиев ауылында ІТ сынып ашылды

24.01.2019

Саран қаласында жаңа күн электр стансасы іске қосылды

24.01.2019

Қостанайда ауыр атлетикадан жасөспірімдер арасындағы чемпионат басталды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу