Ширек ғасырдың шынайы тарихы

Біздің студенттер қауымына бұл кітап күнделікті қолданатын құ­нды оқулық та дер едім. Өйткені біздің тәуелсіздігіміздің тарихы қамтылған, болашағымызды белгілеп берген кітап. Бүгінде егемен елдің энциклопедиясы деп бағаланған, тарихи публицис­тика жанрында жазылған туын­дыда жас мемлекеттің не­гізі қаланған күннен бастап оның қалыптасу кезеңдерінің ерек­ше­ліктері мен 26 жылдық дәуі­ріндегі ішкі және сыртқы сын-қатерлерді еңсеруге байланысты қабылданған шешімдердің мән-мазмұны мен тетіктері егжей-тегжейлі баяндалады. «Қазақ­стандық даму үлгісінің» та­би­ғаты мен оның эволюция­сы, басты ұстанымдарымен қоз­ғау­шы күштері жан-жақты сара­ланған. Қазақстанды жаң­ғыр­ту­­дың үш толқыны кеңінен ашып көрсетілген. Жалпы туын­ды авторының өзі айтқан­дай, кітап кемел келешекке өзі­нің қазақ­стандық жолымен қарыштаған жасампаз халыққа арнал­ған. Сондай-ақ Елбасы жуырд­а журналистерге берген сұх­батында кітапты өзінің жеке тәжірибелерінен түйген негізді ойларына сене отырып жазғанын айтып өтті. Еліміз ширек ғасыр­дың ішінде қалыптасқан ұлттық мемлекеттігі, тиімді нарықтық экономикасы, демократиялық қоғамдық құрылысы мен халықаралық жоғары беделі бар заманауи мемлекетке айналды. Қол жеткізген жетістіктеріміздің барлығы аса көрегенділікпен жүргізілген реформалар мен инно­вациялардың нәтижесі.

Еліміздің жаңа тарихы тұтас қамтылған, мазмұны аса бай кітаптың әр бөлімінің атауларына да ерекше мән беріліп, қазақстандық құндылықтар­дың дәуірлік оқиғалары нақты әрі дәл суреттелген. Еліміз­дің жарқын сәттері баяндалған. Елбасы туындысындағы: «Қазақ­стан­ды жоғары дамыған мемлекетке айналдыратын – азат ойлы, жаңашыл да жасампаз азаматтары. Ол үшін әркім жан-жақты және кемел білімге ден қойып, қажырлы еңбек пен өзін-өзі толассыз жетілдіруді өмір салтына айналдыруы қажет», деген өнегелі сөздері де әсіресе жастар­ды жігерлендіріп, кемел істер­ге жетелейді. Сондықтан да жаңғыру жолына түсе алған қазақ елінің жаңа дәуірдегі даму тарихы кеңінен тарқатылған бұл энциклопедияны, әсіресе жас­тарға дәріптеу маңызды. Қазақ­стан­ның жаңа тарихынан сыр шер­тетін, әрбір дата, оқиға нақты көр­се­тіл­ген туынды уақыт өте келе ел туралы таптырмас танымдық оқу құралына айналары сөзсіз.

Саттар ҚУАШБАЙ,

экономика ғылымдарының докторы, профессор, Оңтүстік Қазақстан облыстық  мәслихатының депутаты