Әлем • 23 Қаңтар, 2018

Қазақстанның Франциядағы елшісі «MEDEF» мүшелерімен кездесті

317 рет
көрсетілді
1 мин
оқу үшін

Қазақстанның Франциядағы елшісі Жан Ғалиев Қазақстан-Франция Іскерік кеңесі хатшылығы және Франция «MEDEF» кәсіпкерлік қауымдастығының мүшелерімен кездесті. 

Қазақстанның Франциядағы елшісі «MEDEF» мүшелерімен кездесті

Олардың арасында Қазақстан бойынша «Total» компания­сы­ның вице-президенті Тьерри Дар­ригран, «DV» консалтинг­тік ком­­па­­ниясының президенті Ден­ни Верре және «MEDEF In­ter­­national» қауымдастығының ди­рек­торы Жеральдин Ламбле болды.

Кездесу барысында Қазақ­стан мен Франция мүдде­лерін қиыстыру призмасы арқы­лы Мемлекет басшысы Жол­дауы­ның негізгі бағыттары талқы­ланды. Тараптар, әсіресе, эконо­миканы цифрландыру, агро­өнеркәсіптік кешен, логисти­калық инфрақұрылым, «смарт сити» салалары және білім беру бағдарламаларында екіжақты ынтымақтастықты тереңдетудің зор әлеуетін атап өтті.

Жолдаудың мәтіні Іскерлік кеңес хатшылығы мен кәсіп­керлік қауымдастығына кіретін барлық француз компанияларына талдау және Қазақстан­ның жаңа мақсаттары мен міндет­тері­не сәйкес келетін жобаларға қаты­су бо­йынша нақты ұсыныс­тар әзір­леу үшін таратылатын болады.

Талқылаудың қорытындысы бойынша Ж. Ламбле «MEDEF» алаңында Қазақстанмен ын­ты­мақтастыққа мүдделі орта бизнес өкілдерімен дөңгелек үстел ұйымдастыруды ұсынды. Та­рап­­тар, сондай-ақ бизнес-ахуалды жетілдіру бойынша кеңес хатшылығымен инвестор­лар­дың ұсыныстарын дайындау тәжі­рибесін жалғастыруға келісті.

«Егемен-ақпарат»