Спорт • 01 Ақпан, 2018

Олар Пхенчханға барады

294 рет
көрсетілді
2 мин
оқу үшін

Келесі аптаның аяғында Оңтүстік Кореяның Пхенчхан қаласында XXIII Қысқы Олимпия ойындарының жалауы желбірейді. Ақ қар, көк мұз үстінде өтетін төрт жылдықтың бас­ты додасына баратын қазақ­стандық спортшылар бүгін­нен бас­тап Олим­пиада қала­шығына қоныстана бастайды. Ең алғашқылардың бірі болып Оңтүстік Кореяға биатлоншыларымыз орналасты.  

Олар Пхенчханға барады

Ұлттық Олимпиадалық коми­теті Спорт дирекциясының директоры Елсияр Қанағатовтың айтуынша, қазақстандық спорт­шыларға Сочи Олимпиа­да­сын­дағы нәтижені жақсарту тап­сырмасы қойылған.

«Қазақстан ұлттық құрама­сы спорттың 9 түрінен 57 жолдама иеленді. Құрама команда алдына Сочиде өткен Олимпиададан жоғары нәтиже көрсету тапсырмасы қойылды. Фристайл-могул, шаңғы спорты және коньки спорты түрлерінен үміт күтетіндей жақсы нәти­желеріміз бар», деді Елсияр Қанағатов.

Жуырда Пхенчхан Олимпиа­дасына жолдама алған 46 спорт­­­шының есімі жариялан­ды. 57 жолдаманың 10-ы биат­лон­­­шыларға, 12-сі шорт-трек­шілерге, 12-сі конькимен жүгіру­шілерге тиесілі. Сондай-ақ шаң­ғышылардың еншісінде – 7, фристайлдың могул түрінен – 5, акро­батикадан – 2, тау спортынан – 1, трамплиннен секіруден – 1 және шана спортынан 1 жолдама бар. 2014 жылғы Олимпиадамен салыстырғанда биыл жолдама саны да, қатысатын спорт түрлерінің қа­тары да аз. Сочи Олим­пиадасына Қазақ­стан құра­масынан спорттың 11 тү­рінен 58 спортшы қатысқан еді.

 

2018 жылғы Олимпиадаға қатысатын Қазақстан құрамасының тізімі:

Биатлон:

1. Василий Подкорытов

2. Максим Браун

3. Тимур Хамитгатин

4. Роман Еремин

5. Владислав Витенко

6. Галина Вишневская

7. Дарья Климина

8. Ольга Полторанина

9. Елизавета Бельченко

10. Алина Райкова

Конькимен жүгіру:

11. Роман Креч

12. Денис Кузин

13. Федор Мезенцев

14. Артем Крикунов

15. Станислав Палкин

16. Екатерина Айдова

Мәнерлеп сырғанау:

17. Денис Тен

18. Элизабет Тұрсынбаева

19. Айза Мамбекова

Шаңғы жарысы:

20. Алексей Полторанин

21. Евгений Величко

22. Денис Волотка

23. Виталий Пухкало

24. Анна Шевченко

25. Елена Коломина

26. Валерия Тюленева

Шорт-трек:

27. Абзал Әжғалиев

28. Нұрберген Жұмағазиев

29. Денис Никиша

30. Еркебұлан Шамұханов

31. Мерсайд Жақсыбаев

32. Анастасия Крестова

33. Ким Ионг А

Фристайл-Могул:

34. Дмитрий Рейхерд

35. Павел Колмаков

36. Юлия Галышева

37. Аяулым Әмренова

Акробатика:

38. Жанбота Алдабергенова

39. Аяна Жолдас

40. Ақмаржан Қалмұрзаева

41. Маржан Ақжігіт

42. Ильдар Бадрутдинов

Трамплиннен секіру:

43. Сергей Ткаченко

Тау спорты:

44. Игорь Закурдаев

45. Мария Григорова

Шана спорты:

46. Никита Копыренко.

 

Әли БИТӨРЕ,

«Егемен Қазақстан»