Қазақстан • 13 Ақпан, 2018

Мемлекет басшысының Жолдауы. Жолымызды айқындап берді

224 рет
көрсетілді
4 мин
оқу үшін

Мемлекет басшысының халыққа Жолдауы – қазақстандықтар жыл сайын асыға күтетін маңызды құжат. Елбасы атап өткендей, «Төртінші өнеркәсіптік революция жағдайындағы дамудың жаңа мүмкіндіктері» атты бұл Жолдау жаңа әлемге, яғни төртінші өнеркәсіптік революция кеңістігіне бейімделу мен жетістікке жету жолын табу үшін не істеу қажеттігін айқындайды.

Мемлекет басшысының Жолдауы. Жолымызды айқындап берді

Қазақстанда табысты жұмыс істеп келе жатқан нарықтық экономика моделі қалыптасқан. «100 нақты қадам» Ұлт жос­пары, негізінен ұзақ мерзімге арналған және жоспарлы түрде іске асырылуда. Біздің ұзақ мерзімді мақсаттарымыз өзге­ріс­сіз қала береді. Қазақстан әлем­дегі түрлі сынақтарға төтеп беріп, қар­қын­ды экономикалық даму жолына бет алған. Осыны баса айтқан Елбасы ал­дағы он міндетті атап өтті. Оның ішінде әлеу­меттік салаға да жіті көңіл бөлінді. Ұлттың әлеуетін арттыру үшін мәде­ниетіміз бен идеологиямызды одан әрі дамыту қажеттігін, өзінің тарихын, тілін, мәдениетін білетін, сондай-ақ заманына лайық, шет тілдерін меңгерген, озық әрі жаhандық көзқарасы бар қазақстандық біздің қоғамымыздың идеалына айналуына тиіс екендігін атап өтті.

Қазіргі денсаулық сақтау ісі негізінен аурудың алдын алуға бағытталған. Сала­матты өмір салтын насихаттау жұмыстары әрі қарай жалғасады. Халықтың өмір сүру ұзақтығын  арттыру үшін медициналық қызмет көрсетуге деген сұраныс арта түсетініне ауданның  медицина қызмет­керлері түсіністікпен қарауда.

Ол үшін медицина  қызметкерлердің кәсіби білім деңгейін арттыру жұмыстары жалғасын  табады, сапасына көңіл бөлінеді.

Онкологиялық аурулармен күресу үшін бес жылдан бері скринингтік тексеру шаралары жүргізілуде. Ауданымызда онко­логиялық ауруларды ерте анықтау жұ­мыстары белсенді жүргізілуде, жылдан-жылға қатерлі сырқаттың асқынған түрі азаюда.

Аудан бойынша материалдық-техни­ка­лық база нығайтылуда: алты елді мекенде типтік үлгідегі дәрігерлік амбула­то­риялар пайдалануға берілді. 2017 жылы 108 миллион теңгеге аса қажетті меди­циналық құрал-жабдықтар сатып алынды. Денсаулық сақтау саласы халықтың, мем­лекеттің және жұмыс берушінің ортақ жауапкершілігіне негізделген, осы­ған орай аудан бойынша міндетті әлеу­меттік медициналық сақтандыру жүйе­сін енгізуге толыққанды дайындық жұмыстары жүргізілді.

Жолдауда ақпараттық жүйелерді бірік­тіру, мобильдік цифрлы қосым­ша­лар­ды қолдану, электронды денсаулық пас­портын енгізу, «қағаз қолданбайтын ауру­­ханаға» көшу арқылы медициналық көмектің қолжетімділігі мен тиімділігін арттыру қажеттігі атап  өтілді. Бүгінгі таң­да Шет аудандық орталық ауруханасы мен дәрігерлік амбулаторияларда  цифр­­лы ақпараттық жүйелер қолданыс­қа енгізілуде. Ауруларға көрсетілетін дәрі­герлік  қызмет кешенді медициналық-ақпараттық жүйемен атқарылуда және бұл жүйе  арқылы емхана дәрігерлері облыс көлеміндегі жоғары деңгейлі ауру­ха­­на­лармен тығыз  байланыста. Диа­гноз­ды нақтылауға жоғары деңгейдегі кли­ни­ка­ларға кез келген қажетті  жағдайда жі­беруге мүмкіндік жасалған. Электронды ден­с­аулық паспортын енгізу, екі мобильдік цифр­лы қосымшалар жұмысы атқарылуда. Меди­циналық кадрлармен қамтамасыз ету мәселесі аудан әкімінің қолдауымен аудан бойынша біртіндеп өз шешімін  тауып келеді. Өткен жылы  ауруханамыз 12 дәрігер маманмен толықты, оның алтауы – жас  маман. Жоғары санатты хирург маман келуіне  орай ота жасаудың әртүрлі әдістемелері енгізілуде.

Елбасымыздың Жолдауы болашақ­тағы жолымызды айқындап берді. Ең бастысы, осы Жолдауды жүзеге асырудағы негізгі жетістігіміз  халқымыздың әл-ауқа­тын жақсарту болмақ. Қол жеткізген табыс­­тарға тоқмейілсуге болмайды. Елбасы атап көрсеткендей, Қазақстан тәуел­­сіз­ді­гінің үшінші онжылдығына дұрыс ба­ғытта қадам басу үшін бізге әлі көп жұмыс істеуге тура келеді.

Хауарира ӘБІТАЕВА,
облыстық мәслихаттың депутаты

Қарағанды облысы,
Шет ауданы