Білім • 13 Ақпан, 2018

Қуыршақ кітапханашы

515 рет
көрсетілді
1 мин
оқу үшін

Еліміздегі Назарбаев зияткерлік мектебі оқушы­ларының түрлі сала бойын­ша ұсынып жүрген ғылыми жобалары көп. Оның ішін­де арнайы зерттеулер мен сынақтардан өтіп, өнді­ріске енгізілгендері, саты­лым­ға шығарылғандары да же­терлік. Сондай-ақ оқу­шылар ізденісінің нәтижесі дерлік жобалар мектепте де қол­данылып, тіпті шет­ел­­дік қонақтарға қызмет көр­сетуде.

Қуыршақ кітапханашы

Мысалы, Шымкент қала­сындағы химия-биология ба­ғытындағы Назарбаев зият­­керлік мектебіндегі кітап­ханада ұлттық киімдегі кіш­кентай қуыршақтың қыз­метін пайдалана аласыз. Үш тілде еркін сөйлейтін ол кі­тапхана сөресінде тұр­ған шығармалар жөнінде бар­лық мағлұматты біледі. Қуыршақты «сөйлеткен» 9-сынып оқушысы Әлия Елші­бай бұл жобаны «Arduino кереметтері» атты та­қырыпта өткен мекте­пішілік шарада көпшілік на­зарына ұсынған. Мектеп кітапханашыларының жұ­мысын жеңілдететін роботты физика пәнінің мұғалімі Айнұр Нұрабайқызы әрі қарай жетілдіре түсуге кө­мек­тескен. Кітапхана мек­тептің ең жоғарғы қабатын­да орналасқан. Яғни, робот­тың күннен қуат алуына да барлық мүмкіндік қарас­ты­рылған.

Өзі ойлап тапқан қуыр­шаққа Әлия өз есімін бе­ріп­ті. Жоғарыда айтып өтке­німіздей, мектепке шет­ел­ден қонақтар көп ке­леді. Оларға қызмет көр­се­тіп, яғни мектептің тыныс-тір­ші­лігімен таныстырғысы ке­летін, ағылшын тілінде еркін сөйлей алатын оқу­шы­лар көп. «Дегенмен, олар бұл кезде өздерінің қатыса алмай қалған сабақтары мен тапсырмаларын уайымдап, ойларын дұрыс жеткізе алмай қалуы әбден мүмкін. Бұл жағдай менің осындай жоба жасауыма түрткі болды», дейді Ә.Елшібай.

Ғалымжан ЕЛШІБАЙ,

«Егемен Қазақстан»