Ғимарат 1986 жылы балабақша ретінде салынып, 90-жылдары тұрғын үй мақсатында пайдалануға берілген.
Алайда, жергілікті басшылық тарапынан нысанның апатты екені бірнеше рет ескертілгеніне қарамастан, тұрғындар үйді иемденіп, қоныстанып алған. Қазіргі таңда 20 пәтерлі үйдің бесеуінде адам тұрмайтыны анықталды. Күрделі жөндеуден өткізу қажет екен.
Бүгінгі таңда, оқиға орын алған жерде тиісті жұмыстар атқарылуда, 50 адам және 3 ауыр техника жұмылдырылды. 15 отбасының 8-і аудандық жастар ресурстық орталығына эвакуацияланды, қалған 7 отбасы ғимараттың қауіпсіз аумағында тұрып жатыр. Эвакуацияланған тұрғындар ыстық тамақ және дәрі-дәрмекпен қамтамасыз етілді.
Аудан әкімінің тапсырмасымен арнайы комиссия құрылды, алдағы уақытта тексеру жүргізіледі.
