Парламент • 30 Сәуір, 2018

Қарттар мен мүгедектерді тіркеу проблема тудырмасын

44 реткөрсетілді

Еліміздің барлық өңірлерінде 2017 жылғы 1 қарашадан мекенжайды тіркеу код­тары негізіндегі «Халықты құжат­тан­дыру және тіркеу» ақпараттық жүйесі арқылы мекен-жай мәлі­меттерін жаңа форматқа енгізу жө­нін­дегі жаңа сервис іске қосылған болатын.

Бұл қызмет жаңа жүйеге мәліметтер енгізу жолымен жүзеге асырылады. Дегенмен жаңа сервис қосылғалы, интернат-мектептер мен қарттар үйлерінде, жатақханаларда тұрып жатқан азаматтардан тіркеуге қатысты өтініш түскен жағдайда оларды аталған ақпараттық жүйеге мәліметтер енгізу жолымен тіркеу мүмкіндігі жоқ, өйткені аталған қызмет түрі тек тұрғын үй қорына енетін объектілер тұрғындарын ғана тіркеуді жүзеге асырады.

Ал жоғарыда аталған объектілер категориясы мекенжайлық регистр мәліметтеріне сәйкес не денсаулық сақтау мен демалыс объектілеріне, не білім беру объектілеріне немесе коммуналдық қызмет көрсету объек­тілеріне жатқызылып, әйтеуір тұрғын үй қорына қатыссыз қалған. Бұл жаңа сервис іске қосылғанда мәселе тудырып отыр­ғанын айта кеткен жөн және ол әлеу­меттік нысандарды тіркеу үшін соңғы бес жарым айдың ішінде келіп жатқан тұрғындарға қатысты болып отыр.

Тұратын жері бойынша тіркелуге қатысты қиындық туғандықтың салдарынан осы категориядағы азаматтар асыраушысынан айырылуына байланысты төлене­тін жәрдемақы, мемлекеттік жәрдемақы тағайындауға және зейнетақы төлемдерін алуға байланысты кедергілерге ұшырап отыр. Оның үстіне осы санаттағылардың тұрып жатқан мекенжайға дер кезінде тір­келуін реттемеген басшылыққа әкімшілік жауап­кершілік те қарастырылған.

Біз осы мәселені Премьер-Министрдің орынбасары Асқар Жұмағалиевке білдіріп, «Халықты құжаттандыру және тіркеу» ақ­па­раттық жүйесіндегі жылжымайтын мүлік объектілерінің тізімін кеңейтуді сұрадық.

Әлия САПАРОВА,

Мәжіліс депутаты

Баннер
Соңғы жаңалықтар

Ұқсас жаңалықтар