Құрылыс және тұрғын үй-коммуналдық шаруашылық істері комитетінің шешімімен нысанда күшейту жұмыстары басталып, 2015 жылы 30 маусымда аяқталды. Тұрғын үй кешенінің құрылысын аяқтауға үш мердігер компания: «Оңдасын строй», «Еврострой» және «Елин груп» белгіленді. Қазіргі таңда 297 пәтер қоныстануға берілмек.
-Бұл құрылысы ұзаққа созылған «Аққу» тұрғын-үй кешенін пайдалануға беру – облыс әкімі Ералы Тоғжановтың басты тапсырмаларының бірі. Үй құрылысы 2008 жылы басталған. Оның 5 жылында нысанда ешқандай құрылыс жұмыстары жүргізілмеді. Мұнда шамамен 650 пәтер бар. Осы айдың соңында 300-ден астам пәтер пайдалануға берілмек.
Ал қалған 300 пәтерді осы жылы 1 қыркүйекке дейін беру жоспарланған. Осы уақытта «Аққу-1» толыққанды кешенге айналады. Бұрын бұл үйдің төңірегінде туындаған мәселелерге қатысты күдікті жою үшін «Қазақ құрылыс және сәулет ғылыми-зерттеу және жобалау институтынан» мамандар шақырылып, тексеріс жүргіздік. Олар кешеннің пайдалануға жарамды екенін растап, жазбаша анықтама берді, дейді облыс әкімінің бірінші орынбасары Серік Аманғалиев.
Гүлайым ШЫНТЕМІРҚЫЗЫ,
«Егемен Қазақстан»
Маңғыстау облысы
