Павлодар мен Уфа арасы жақындай түсті

Облыс әкімі Болат Бақауов бастаған деле­гация­ шекаралас өңір­лер арасын­дағы ынтымақ­тастық­ты дамыту мақсатында Ресейдің бірнеше өңіріне барып қайтқан еді. Ал жуырда арнайы делегация Башқұртстанда болды. Енді Башқұртстан Респуб­ликасы мен Павлодар облысы өзара серіктестік негізінде жұмыс жасамақ. 

Егемен Қазақстан
28.05.2018 6374
2

Жалпы, облыстың Ресейдің ше­кара­­лас отырған көршілес өңір­лері­мен сауда-экономикалық ынтымақ­тас­тық байланыстары бұған дейін де үзілген емес. 2012 жылы облыс ор­та­­лы­ғында Қазақстан мен Ресей Пре­зи­­денттерінің қатысуымен өткен ІХ форумда Павлодар облысы Татар­стан, Башқұртстан, Алтай өлкесі, Омбы, Новосібір және Том облыстары­мен, ынты­мақтастық туралы меморан­дум­дарға қол қойған болатын. Мұндай ынтымақтастық Беларусьтің Минск облысымен де жасалған еді. Қазір бұл бай­ланыстардың жалғасып, әртүр­лі салаларда дамуы – өңір үшін өте маңызды. Облыстағы Ертіс, Железин, Успен, Шарбақты аудандары Ресейдің Омбы облысымен, Алтай өлкесімен, Құлынды даласы, Слав­город, Байғамұт, Керей ауылдарымен, Новосібір облысының аудандарымен шекаралас орналасқан. 

 Биылғы сәуір айында облыс делегациясы Алтай өлкесіне, Түмен облысына барып қайтты. Сол жер­лердің тұрғылықты қазақ­тары­мен кездесті. Айт­пақшы, Түмен­нен Астанаға биыл­ғы жаздан бастап әуе қатынасы ашыл­мақ. Облыс әкімі Болат Бақауов Түмен қазақ­тарын жазда өтетін «Ұлы Дала елі» фестиваліне шақырған болатын. 

 Ал осы сапар барысында Болат Бақауов Алтай өлкесінің, Түмен облы­сының басшылары Алек­сандр Карелинмен, Владимир Яку­­шевпен кездесті. Алтай өлке­­сінде павлодарлық делегация «Си­бэнергомаш БКЗ» зауытын, «Аг­роЦентр» машина жасау кәсіп­орны мен «Юг Сибири» күн­бағыс өңдеу зауытын аралап көрді. Үйренетін нәрсе қашанда қажет. 

Екіншіден, Түмен облысындағы «Индустриялық саябақпен» таныс­ты. Бұл – Түмендегі инвесторлар­ға бар­­л­ық коммуникацияларға қо­сы­­луға, жеңіл­дік жағдайларына және қаржы­лай қол­даудың тетік­теріне қол жеткізу­ге мүмкін­дік бе­ре­тін арнайы экономи­калық ай­­мақ. Ал «Павлодар» арнайы эконо­­ми­к­алық аймағында жылына 250 мыңнан астам бастапқы алю­­ми­ний шығаратын қоспалы алю­­миний өндірісін новосібірлік инвесторлар жүр­гізуде. Краснояр өлкесінен келген инвесторлар бол­са, автомобильдің алюминий дис­кілерін жасайды.

Бұл жолы Болат Бақауов бас­таған өңір делегациясы Уфаның бірнеше өндірістік кәсіпорындарын аралап, мұнай-газ-химия салаларына арналған форумға қатысты. Сонымен бірге «Газ.Мұнай.Техно­логиялар» тақырыбында өткен ресейлік көрме де өңірден барған делегация үшін маңызды болды. 

Облыс делегациясы сондай-ақ ұзақ жыл жұмыс істеп келе жатқан «Башнефть» мұнай өңдеу зауы­тын, «Kronospan» ағаш өң­деу компаниясы мен «УфаОргСинтез» кәсіпорындарын аралап көрді. Форумға қатысқан облыс әкімі Болат Бақауов Башқұрт­стан­ның Ресей мұнай-газ өндіру саласын­дағы технологиялар орталығына айналға­нын, Уфаның мұнай өндіру­дегі дәстүр­лі тәжірибесі Павло­дар облысы үшін өте маңызды екен­д­ігін айтты. Осы тұрғыдан иннова­циялық жаңашыл­дықтарды өңірге әкелу өте қажет. 

 Еліміздегі үш мұнай зауытының бірі Павлодарда орналасқаны белгілі, зауыттың қуатын арттыру мен қайта құру жұмыстары қолға алынуда. Өндіріп жатқан мұнай өнімдерінің көлемі iшкi нарыққа жеткілікті де болар, бірақ Ресейдің мұнай өніміне тәуелділігіміз бар, жаңарту жолында әлі де қолға алатын жұмыстар аз емес. Сон­дықтан біздің делегацияның сапары негізінен мұнай-газ саласын дамытуға, уфалықтардан тәжірбие алу бағытындағы мәселелерге арналды. Қолда бар жанар-жа­ғармайды дұрыс пайдалана алмай келеміз. Бұл науқан кезінде қиын. Өнім сапасы, оның халықаралық стандартқа сәйкестік жайы ойлантады. Елбасы Үкіметке елімізде мұнай өңдейтін төртінші зауыттың құрылысын айқындауды тапсырды. Мақсаты – өзіміздің мұнайды өзімізге өндіріп беру.

– Әрине мұнай-газ саласына қатысты форумдар тәжірибе ал­масып қана қоймай, жаңа тех­ноло­гиялармен танысуға жақсы мүм­кіндіктер береді. Мұнай-химия сала­сында ресейлік серіктестермен бір­лескен жұмыс екі жаққа да тиім­ді, – деді Б. Бақауов. 

Ал «Башнефть» мұнай өңдеу зауыты жыл сайын 6 миллион тоннаға жуық мұнай өндіреді. Жанар­майдан бөлек, қысқы, жазғы дизель отыны, жүк мазуты шығарылады. Өндіріс орнында 6 мыңнан астам адам жұ­мыс істейді.

Облыс делегациясы, барған «Kronospan» ағаш өңдеу компания­сы­ның жүз жылдық тарихы бар екен. Әлемдегі ең ірі ағаш өңдеу зауыты саналады. Өнімнің 56 пайызын Қазақстан, Қырғызстан, Тәжікстан, Қытай импорттайды. Ағаш өңдеуші кәсіп­керлер алдағы уақытта да пав­лодар­лықтармен келісімге келіп, жұмыс жасамақшы. 

Осы сапар кезінде Болат Бақауов Башқұртстан Республикасының бас­шысы Рустем Хамитовпен кез­десті. 2017 жылдың қараша айын­да Ресейдің Челябі қаласында өт­кен Қазақстан-Ресей шекаралық фо­ру­м­ының бары­сын­­да екі облыс бас­шысы өзара серік­­тес­­тік туралы келі­сім­шартқа қол қойған-ды. 

Енді міне, Павлодар облысы Баш­құр­т­стан үшін Қытаймен байланыс ор­натудың көпірі болмақ. Рустем Ха­митов Болат Бақауовпен кездесуі кезін­де көршілермен ты­ғыз байланыста жұмыс істеудің тиім­ділігін айтып өтті.

– Қазақстан – біздің ең жақын көршіміз, – деді Рустем Хамитов. – Өңір­лердегі серіктестеріміздің бірі ретін­де Павлодар облысы да жаңа идея­ларды ұсынып жатыр. Сіздер­де әктас, тұздың үлкен кендері бар. Павлодарлық әріптестердің көмегі­мен Башқұртстан Қытайға ауыл шаруашы­лығы өнімдерін жеткізу мәселесін қарастырып отыр.

Болат Бақауов екіжақты серік­тестік байланыстың қай түріне болсын дайын екендіктерін білдірді. Делегация құрамындағы шаруа қо­жа­лықтарының өкілдері тауар­лы-сүт фермалары мен өсімдік шаруа­шылығының жұмысы­мен танысу үшін келгендерін айтып өтті. 

Ауыл шаруашылығы дақыл­дарын қайта өңдеумен айналысатын шаруа қожалықтары мен кәсіп­оры­ндардың өзара тиімді жұмысы­на ерекше мән беруді ұсынды. 

Білім және ғылым салаларындағы байланыстар да жалғасу үстінде. 2015-2018 жылдар аралығында С.Торай­ғыров атындағы Павлодар мемле­кеттік университеттің 35 магистранты Уфа мемлекеттік мұнай-техникалық уни­верситетінде оқып, ғылыми тағы­лым­дамадан өтті. Универ­ситет Түмен­д­егі жоғары оқу орындарымен ғылым сала­сындағы жа­ңа жобалар туралы келіс­сөздер жүргізді. Мақсат – мұ­най-газ саласы үшін жергілікті маман­дар­ды оқытып, өңір зауыттарында жұ­мыс істеулеріне ықпал ету. Өңір­дің Ресей­мен арадағы сыртқы тауар айна­лымы биылғы жылдың бірінші тоқ­санында 410,1 миллион АҚШ долларын құрапты. 

Екі елдің шекара бойында ор­налас­қан өңірлерінің рухани-мәдени бай­ла­ныстарын, эконо­микалық-инвес­ти­циялық мүмкін­діктері мен бизнесі­нің өзара әлеуетін арттыруға, ауыл шаруа­­шылығы саласындағы қарым-қа­тына­с­тарды дамытуға бағытталған іс-әрекет­тер әрі қарай да жалғасын таба бермек. 

Фарида БЫҚАЙ,
«Егемен Қазақстан» 

Павлодар облысы

СОҢҒЫ ЖАҢАЛЫҚТАР

23.01.2019

Қытайдың ІЖӨ-нің өсу қарқыны 30 жыл ішінде ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Наурызда шаршы алаңға шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

22.01.2019

Франциядан Англияға бет алған ұшақ Ла-Манш бұғазында жоғалып кетті

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу