«Павлодар облысының Ақсу қаласынан шақырылған 19 жастағы мерзімді әскери қызметші туберкулез менингитінен қайтыс болған. Әскери қызметкердің ауруы менингококты инфекция секілді жұқпалы аурулар қатарына жатпайды, ауа және тамшылар арқылы жұқпайды. Науқастың өкпесін флюорографиядан өткізу кезінде оның өкпесі таза болып шықты, сондықтан да онымен бірге қызмет етіп жүргендерге жұқпаған», - деп мәлімдеді Атырау облыстық клиникалық аурухананың бас дәрігері Саин Шомиров.
Қазіргі уақытта денсаулық сақтау басқармасындағылар қызметтік тексеріс жүргізіп жатыр. Сондай-ақ, мәліметтер әскери прокуратураға жіберілді. Бірақ денсаулық сақтау басқармасындағылардың айтуынша, әскери қызметкер менингококк инфекциясынан көз жұмған жоқ.
