Судьяның сөзінше, 1985 жылы туған күдіктіні қамауға алу туралы санкция берілген. «Күдіктінің үстінен Қылмыстық Кодекстің 121-бабы 4-бөлігімен ("Сексуалдық сипаттағы зорлық-зомбылық әрекеттері") іс қозғалды. Оны екі айға қамауға алу туралы санкция берілді. Сот жабық өтті»,- дейді Данияр Мадемаров.
Еске салайық, екі күн бұрын қаладағы көпқабатты тұрғын үйлердің бірінде белгісіз ер адамның кәмелетке толмаған балаға зорлық жасаған әрекеті әлеуметтік желіге тараған.
Қазіргі таңда осы бейнетүсірілім бойынша сараптама тағайындалып, сотқа дейінгі тергеу амалдары жүргізілуде.