![Елімізде «Ғылым қорының» конкурстарында іріктелген 96 жоба жүзеге асқан](/article_photo/1531480205_article_b.jpeg)
Онда Қазақстан Республикасының 2015 жылдың 31 қазанындағы №381-V ЗРК «Ғылыми және (немесе) ғылыми-техникалық қызметтер нәтижесін коммерциаландыру туралы» заңын жүзеге асыру аясында 2018 жылға арналған ғылыми және (немесе) ғылыми-техникалық қызметтердің нәтижесін коммерциялау жобаларын гранттық қаржыландыруға конкурс өткізу үшін Конкурсқа Қостанай қаласы мен Қостанай облысынан әлеуетті өтініш берушілер қатысуының реті түсіндірілді. Бұл қордың өткізгелі отырған үшінші конкурсы екен. Алдыңғы екі конкурстың нәтижелері бойынша жобалар іске асып та үлгеріпті.
«2016 жылдан бері екі конкурста 96 жоба жүзеге асты. Қазір конкурстан грант ұтқан жоюалар бойынша Ақмола, Қарағанды облыстарында өндірістер жұмыс істеп жатыр. Конкусқа 44 бағыт бойынша қатысуға болады. Егер жоба грантты ұтқан жағдайда 300 миллион теңгеге дейін бюджеттен қаражат бөлінеді, оның сыртында жоба нәтижесі бойынша инвестия тартуға болады» дейді «Ғылым қоры» акционерлік қоғамының жобалар дирекциясының жетекшісі Арман Ашкин.
Өкінішке қарай Қостанай облысы ғалымдары мен кәсіпкерлерінің ірлескен жобасы әлі грант ұтып ала алмаған. Өткен конкурстарға 5 жоба қатысқан. Қазір Алматы ғалымдары ұсынған геология салсындағы бір жоба Қостанай облысындағы Жітіқара ауданында жүзеге асырылуы тиіс.
Нәзира Жәрімбет,
«Егемен Қазақстан»
Қостанай