Аймақтар • 15 Тамыз, 2018

Атырау облысында құрылыс саласының үздіктеріне құрмет көрсетілді

179 реткөрсетілді

14 тамызда Атырауда Құрылысшылар күнін мерекелеуге арналған салтанатты іс-шара өтті. Сала қызметкерлерін кəсіби мерекелерімен Атырау облысының əкімі Нұрлан Ноғаев құттықтады.

Өз сөзінде өңір басшысы азаматтардың өмір сүру сапасы мен маңызды мемлекеттік міндеттерді шешу саланың жұмыс нəтижелеріне тікелей байланысты екеніне баса назар аударып, құрылысты республиканың экономикалық дамуының локомотивтерінің бірі деп атады. Ол бүгінгі күні құрылыс саласын дамыту үшін көп мүмкіндіктер жасалып жатқанына тоқталды.

-Сіздер ел экономикасына орасан зор үлес қосып отырсыздар. Өткен кезеңдерде қандай технологиялар пайдаланылғаны құрылыс саласының ардагерлерінің есінде. Қазір Мемлекет басшысының саясатының арқасында біз бұл салаға жаңа технологияларды тартудамыз, жаңа материалдарды пайдаланудамыз, мұның барлығы салынып жатқан əлеуметтік объектілер мен инфрақұрылымның сапасын жақсартуға ықпал етеді. Бұл бірегей архитектуралық құрылыс салуға мүмкіндік береді, -деді Нұрлан Ноғаев.

2018 жылы өңірде 3892 пəтерлік 44 көп қабатты тұрғын үйдің құрылысы басталды, 34 үй осы жылы пайдалануға беріледі. Облыс орталығында 39 үйдің құрылысы жүргізілуде, қалғандары аудандарда. Бұл тұрғын үй құрылысының рекордтық көрсеткіші, өңірдегі тəуелсіздік жылдарындағы ең үлкен тұрғын үй көлемі екенін атап өткен жөн. Мұнан басқа бүгінгі күні облыста 3214 орындық 16 балабақша салынуда, оның 14 -ін жылдың соңына дейін аяқтау жоспарлануда. Оқу орындарының құрылысы белсенді жалғасуда. 2018 жылдың соңына дейін 1968 орындық 8 мектептің құрылысын аяқтау жоспарланды. Салынып жатқан 6 мектеп келер жылы пайдалануға берілетін болады. Денсаулық сақтау, мəдениет жəне спорт объектілері де назардан тыс қалмауда. Осы жылдың соңына дейін 8 денсаулық сақтау объектісін, 6 мəдениет үйін, спортты дамытуға арналған үш объектіні пайдалануға беру жоспарлануда.

2017 жылы Атырау облысында 371 шақырым жол салынды, бұл 2016 жылғы көрсеткіштен екі есе жоғары. 2018 жылы 280 шақырым жолды асфальттау жоспарланды.

Өңір басшысы үлкен жұмыстың бір бөлігі ғана екенін атап өтті. Елді мекендерді абаттандыру бөлігінде ауқымды жұмыстар тұр. Сонымен қатар жыл сайын əлеуметтік объектілер-ауруханалар, мектептер мен балабақшалар салуға жəне жөндеуге бөлінетін бюджет қаражатының көлемі ұлғаюда.

-Сіздердің міндеттеріңіз жаңа технологияларды пайдаланып, кəсіби деңгейді көтеріп бəсекеге қабілетті болу. Қауіпсіздіктің барлық нормаларын сақтай отырып, сапалы объектілер салу қажет. Сіздердің еңбектеріңізбен салынып жатқандардың барлығы қоғамның əл-ауқатына əсерін тигізеді. Біз өз тарапымыздан республикалық, облыстық бюджеттердің қаржыландыруын, жер қойнауын пайдаланушылардың қаражаттарын пайдаланып бүгінгі күні тұрғындарға өмірлік қажет объектілердің құрылысын салуға өтінімдер береміз. Баршаңызды кəсіби мерекелеріңізбен құттықтауға рұқсат етіңіздер. Сіздерге жəне отбасыларыңызға бақ-береке, өсіп-өркендеу, тыныштық пен бейбітшілік тілеймін,- деді Нұрлан Ноғаев.

Салтанатты жиында құрылыс жəне жол саласының үздік қызметкерлері «Құрметті құрылысшы», «Құрметті сəулетші» төсбелгілерімен, Инвестиция жəне даму министрлігінің, облыс əкімдігі мен мəслихатының алғыс хаттарымен марапатталды.

Баннер
Соңғы жаңалықтар

Үйретері көп үйірме

Аймақтар • Бүгін, 08:59

Медицина музейі ашылды

Аймақтар • Бүгін, 08:57

Корей асханасы елордада

Қоғам • Бүгін, 08:55

Омыртқа – бүкіл ағзаның ұстыны

Аймақтар • Бүгін, 08:50

Ұлы есімдер ұлықталады

Руханият • Бүгін, 08:35

Тектілік феномені

Руханият • Бүгін, 08:27

Ұлық жырдың ұзаны

Руханият • Бүгін, 08:25

«Егеменнің» тойы – елдің тойы

Руханият • Бүгін, 08:10

Ұқсас жаңалықтар