Жақсы іс жалғасын табады

Халқымыздың қанындағы қайырымдылық, ізгілік қасиеттері, қиналғанға қол ұшын созу, барын бөлісу, жоқ-жітікке қанатымен су сепкен қарлығаштай болып көмекке ұмтылуы бүгінгі ұрпақ бойынан жоғалған жоқ. Бұл ел арасында атымтай азаматтардың еңбектерінен көрініс беруде. Маңғыстау облысында «Атамекен» кіші бағдарламасы бойынша 2017 жылы 59 іс-шара жүзеге асырылып, жалпы қаржысы 11 млрд 4 млн 514 мың теңгені құрады.

Егемен Қазақстан
17.08.2018 2228
2

– «Туған жерге тағзым» акциясымен Маңғыстау ауданы Шайыр мектебінің түлегі, кәсіп­кер Са­мат Мұсабаев мұғалімдер кү­ні мерекесі қарсаңында 6 зей­нет­­керге 50 мың теңгеден, бү­кіл мектеп ұжымындағы 100 адам­ға 25 мың теңгеден сыйақы та­ғайындады және тұрақты түрде мек­тептің республикалық сайыс жүлдегеріне 1 млн, облыстық дең­гейге 500 мың, аудандық дең­гейге 200 мың теңгеден сыйақы тағайындап келеді. Cонымен қатар Самат Мұсабаев бастаған облыс кәсіпкерлері Маңғыстау ауданындағы «От­пан тау» тарихи-мәдени ке­ше­ніне 80 миллион теңгеге қа­зақ­тың үш биінің ескерт­кішін орнатты. Ауыл азаматтары Түпқараған ауданы Бау­­тин ауылында «Байділдә ата» қо­рымы жанына 10 миллион тең­геге түнеухана мен сыртқы қор­шауын салса, Жаңаөзен қа­­ла­сы, Түпқараған, Бейнеу, Маң­ғыстау, Қарақия аудандарында жал­пы сомасы 293 миллион­ тең­­геге демалыс алаңдары мен сая­бақтарды тарту етті, – дейді «Рухани жаңғыру» өңірлік жо­балық офис басшысы Г. Азан.

Туған жерге, алтын бесігіне қол­ғабыс жасаудан жас буын да қалыс қалар емес. Бейнеу ауда­ны Тұрыш ауылының мектеп түлектері туған ауылына­ құ­ны 2 млн теңге тұратын «Де­малыс паркін» тарту етсе, аудан орталығында кәсіпкерлер қар­жысына «Жұбайлар бағы» салынды. Ал Түпқараған ауданы Таушық ауылы Шахта орта мектебінің 1997 жылғы түлектері ауылдан 1 млн тең­геге шағын саябақ салып қуант­­­са, Маңғыстау ауданын­да адан тұрғындарының ұйымдас­ты­руымен Жастар саяба­ғы тұр­ғызылды. 

Маңғыстау облысындағы қа­лалар мен аудандардағы 50 орта мектеп 208,6 млн теңгеге және 4 арнайы түзету мектебі 27 млн теңгеге қажетті инвентарлармен жабдықталды. Ақтау қаласында, Маңғыстау, Бейнеу, Мұнайлы, Түпқараған аудандарында жалпы 902 млн 600 мың теңгеге спорттық кешендер мен алаңдар салынды.

− Жоқтан бар жасауда, ауыл­­ды дамытуда халықтың бел­сенді­лігі жоғары. Оларға кә­сіпкерлер қолдау көрсетіп, ауыз­біршіліктің ар­қасында біраз жұ­мыс­­тар жол­ға қойылды. Өңір­дегі ірі компа­ниялардың да үле­сі зор. «Тен­гиз Шевройл» ЖШС 46 млн теңгеге Бейнеу ауда­ны­ның Бо­ран­құл ауылында 200 орындық спорт алаңын салып берсе, жеке кәсіпкер М.Жәу­пе­ров 1млн тең­геге мектепке спорттық жаб­дық­­тар алып берді. Сондай-ақ кәсіпкер Сұң­ғат Мұңалбаев 220 млн тең­геге Маңғыстау ауда­нының Шет­­пе ауылында­ «Азамат» спорт кешенін, сауық­тыру, жүзу бассейнін тұрғызып, ха­лық игілігіне ұсынды. «Са­мұрық Қазына Траст» әлеу­­мет­тік жобаларды дамыту қоры­ның қолдауымен 170 млн­ теңгеге Ақ­тау қаласында футбол, воркаут, баскетбол алаңдары мен кө­ше тренажерлары орнатылды және И.Бисенғалиевтің қол­дауымен 350 млн теңгеге «Батыр» спорт кешені тұрғызылды, − дей­ді «Ру­хани жаңғыру» өңірлік жо­балық офис басшысы Гүлайым Бақытқызы. 

Саламатты өмір салтын не­гіз­гі ұстанымға айналдырып,­ бұ­­қаралық спортты дамытуды басты орынға қойған мем­ле­кетіміздің саясатына сай Маң­ғыс­тау өңірінде тұрғын­дар­дың спортқа қызығушылығы жо­ғары. Ол өңірде спорттық ке­­шен­­­­дердің көптеп бой көте­руінен де аңғарылады. Бұл ба­­ғыт­та Мұ­найлы ауданында­ кәсіпкер З.Исаеваның қол­дауы­мен құны 100 млн теңгелік «Иса» спорт кешені салынса,     Түпқараған ауданы Таушық ауылында НКОК ЖШС-нің демеуімен әмбебап спорт алаңы пай­далануға берілді, аталмыш алаңның құны 15 млн тең­ге­ге бағаланған. Ақтау қала­сын­да ұрпақтарының ұйым­дас­ты­руымен 5 млн теңгеге халық батырлары Шотан Назарұлы мен Шоғы Мұңалұлына арналған ха­лықаралық спорттық турнирлер өткізілді. 

Туған жерді түлету, оның да­муына, көркеюіне азаматтық, пер­зенттік үлес қосу спорт қа­на емес, барлық салада көрі­ніс табуда. Ақтау қала­сында, Қара­қия ауданында 8 млрд 923 млн тең­геге жастар жатақ­ха­насы, Ақ­тау қаласында 6 млрд 148 млн 261 мың теңгеге «Дос­тық үйі» тұрғызылды. Кеше ғана Бесін­ші Каспий сам­­миті өтіп, бес мем­лекеттің пре­зи­дентін төріне жиған бұл кө­рік­ті орда – «Достық үйін» де­ халық кәдесіне ұсынған – НКОК ЖШС.

Мемлекет басшысының тап­­сыр­масымен тұрғындарды бас­­па­намен қамтамасыз ету, мүм­кіндігіне қарай қыз­мет­кер­лерді, жастарды жатақха­намен қамту жұмыстары қарқынды қолға алынды. Ақтау қаласында 562 млн теңгеге 100 орындық жастар үйі, НКОК ЖШС қолдауымен 1 млрд 313 млн теңгеге 500 орын­дық жастар үйі салынып, өз тұр­ғындарын қуанышқа бө­леді. Сондай-ақ НКОК ЖШС демеу­шілігімен Қарақия ауданында 500 орындық жас мамандар мен жұмысшыларға арналған жатақ­хана құрылысына 900 млн теңге жұмсалды. 

Туған жерді көркейту бағы­тындағы жұмыстардан ден­саулық сақтау саласы да тыс қалып жат­қан жоқ. Демеу­шілер тарапынан облыстық емханаларға жал­пы сомасы­ 235 млн теңгеге қажетті құ­рал-жабдықтар және меди­ци­налық аппараттар сатып әперілді, Жаңаөзен қала­сында «Өзенмұнайгаз» АҚ-ның демеушілігімен денсаулық қыз­­меткерлеріне 86,2 млн тең­­ге­ге жаңа автокөліктер табыс­тал­ды. Халық көп шоғыр­лан­ған Мұнайлы ауданында Т.Ай­ту­ғановтың көмегімен 130 млн тең­геге «Мұхамбет» меди­ци­налық орталығы тұрғызылса, НКОК ЖШС Ақтау қаласындағы Маңғыстау облыстық ауруханасына 20 млн теңгеге электрокардиограф, жоғары жиілікті электрокоагуляторды, Түпқа­ра­­ған ауданы Форт-Шевченко қа­ла­сындағы аудандық емха­наға бағасы 16,7 млн теңге құ­райтын ультрадыбыстық диаг­ностикалық сканерді табыстады. 

Қайырымдылық бағытын­дағы жұ­мыстар мұнымен шек­теліп қал­майды. «ENKA İnşaat ve Sanayi A.Ş» мекемесі Түпқараған ауданы Баутин ауылында жалғызілікті тыл ардагері Б.Телбаевқа 15 млн теңгеге үй салып берсе, А.Аджибаев бастаған аудан тұр­ғындары Сайын ауылындағы ҰОС арда­гері С.Мұржықовтың ден­сау­лығын түзеуге 1 млн тең­ге бөл­ді, «СК Баутино» компаниясы Форт-Шевченко қала­сын­да 16 пәтерлік тұрғын үйдің шатырын жабуды мойнына алса, ауыл тұрғындарының кө­ме­­гімен Маңғыстау ауданы Өтес ауылында орталық көше­лер жарықтандырылды. Ауыл тұр­ғындары Бейнеу ауда­ны Боран­құл ауылында 2 пәтер­лі тұрғын үй салып, әлеу­меттік жағдайы төмен үш отбасы үйлерінің құрылысын аяқ­тауға, жылу тартуға көмек ұйым­дастырды. Қарақия ауданында кәсіптік колледж сту­денттері өз қолымен бұйым­­дар мен құралдар жасап, өз ауыл­дарына тарту етті. 

Құзырлы орындардың мә­лі­­метіне сәйкес, облыстың қа­ла-аудандарында мұқтаж жан­дарға, балалардың жазғы дема­лысын тиімді өткізуге бағыт­талған қайы­рымдылық акция­лары ұйым­дастырылып, 61 млн теңгеге кө­мек көрсетілді. Жыл аяғында өңір­дің дамуына қо­мақты көмек көр­сеткен азаматтарды елге таныс­тыруға, алғыс айтуға ба­ғыт­талған облыс­тық меценаттар форумы ұйым­дас­тырылды.

Өңірлік жобалық офис бас­шы­сы бір жарым жылғы атқа­рыл­ған жұмыстардың бұ­лар­мен шектел­мейтінін, ағымдағы жылға да өңір демеу­шілері 17 млрд 386 млн 851 мың теңге қаржы бөліп, 86 іс-шара жоспарлап отырғанын жә­не оның жыл соңына дейін толық­тырыла беретінін айтты.­ Сонымен қа­тар тарихи сананы және па­триот­­тықты дамы­ту, таби­ғи­­ және мәдени мұралар­ды қор­­ғау, халыққа таныту мақ­­сатын­дағы «Рухани қазы­на», «Тәрбие және білім» кіші бағ­дар­ламалары бойынша жоспар­ланған ірі жобалардың қаржы қажеттілігіне байланысты кіді­ріп тұрғанын да мәлімдеп, меценаттар мен мекемелердің рухани бағыттағы жұмыстарға назар аударуын сұрайды. 

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

СОҢҒЫ ЖАҢАЛЫҚТАР

18.11.2018

Солтүстік Қазақстанда өткен ел біріншілігінде Н. Жарылғапов «түйе палуан» атанды

18.11.2018

Солтүстік Қазақстанда «Қозыбаев оқулары» халықаралық ғылыми-тәжірибелік конференция өтті

18.11.2018

Қор нарығы ел экономикасына серпін береді

18.11.2018

Қостанайда Батырбек Байназаровтың «Қобыз – аңыз» атты жеке концерті өтті

18.11.2018

Мәулен Әшімбаев ауыл шаруашылығы қызметкерлерін кәсіби мерекелерімен құттықтады

18.11.2018

Элизабет Тұрсынбаева Мәскеудегі турнирде үздік алтылыққа енді

18.11.2018

Қызылорда облысында МЖӘ бойынша екі спорт кешені ашылды

17.11.2018

Amazon мен Google-де жұмыс істейтін қазақстандықтарды елге шақыру керек - Атамекен ҰКП

17.11.2018

Павлодар облысында 370 жүргізуші мөлшерден артық жүк тасыған

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу