2018 жылдың 3 шілдесінде шыққан «Қазақстан Республикасына Ресей Федерациясынан мұнай өнімдерін жеткізудің кейбір мәселелері туралы» ҚР Энергетика министрінің бұйрығы 2018 жылдың 16 тамызда ресми БАҚ-та жарияланған.
Құжатқа сәйкес, Ресейден Қазақстанға теміржол көлігі арқылы бензин тасымалдауға (код: ТН ВЭД 27101241 - 2710125900) үш ай мерзімге тыйым салынады. Аталған бұйрық ресми жарияланған сәттен 10 күнтізбелік күн өткен соң қолданысқа енгізіледі.
Айта кетейік, ҚР Энергетика вице-министрі Болат Ақшолақов мұндай тыйымды еліміздегі бензин көлемінің шектен тыс көптігімен түсіндірген.
