Қазақстан • 28 Тамыз, 2018

Шетелдіктер шипа іздеген орталық

164 реткөрсетілді

Ұлт үшін денсаулық мәселесі әрдайым өзекті. Бүгінгі таңда елі­мізде отандық медицина қа­­рыш­тап дамып, өзінің биік дең­гейіне көтерілді. Азамат­тардың ден­саулығын жақсарту, аурудың алдын алу, сырқатты болдырмау мәселелері де күн тәртібінде. Со­ны­мен қатар өңірлердегі денсау­лық сақтау мекемелері де бұл мә­селеге лайықты үлес қосып отыр.   

Тараз қаласындағы «Кардио­хирургия және трансплантология ғылыми-клиникалық орта­лығында» ағымдағы жылы мамыр айында тұңғыш рет бүйрекке трансплантация жасалғанын жазған болатынбыз. Жамбылдық азаматқа туған ағасы бір бүй­ре­гін беріп, оған алғашқы ота­ны ағзаларды транспланттау жө­нін­дегі ұлттық үйлестірушісі Жақ­сылық Досқалиев жасаған еді. Нә­тижесінде бүйрек дерті­не шал­дыққан азамат сауы­ғып әрі бұл отандық медици­на тари­хында айтарлықтай жетіс­тік ре­тінде бағаланды. 

Аталған орталықты бұл күн­де елімізге танымал ғалым Сейіт­хан Жо­шыбаев басқарады. Міне, Тараз же­рінде тұңғыш рет жа­салған бүйрек транс­плантация­сы­нан соң бірқатар шет мем­ле­кеттердің азаматтары атал­ған клиникаға келе бастапты. Нәти­же­сінде Грузия және Қырғыз мем­ле­кеттерінің азаматтары ота жасату үшін осы орталықты таңдаған. Айта кету керек, Тараз қаласындағы «Кардиохирургия және трансплантология ғылыми-кли­никалық орталығында» бү­гінде сала бойынша докторантура дәрежесін шетелде оқыған бі­лікті мамандар жұмыс істейді. Сонымен қатар аталған клиника еліміздің оңтүстік аймағындағы жетекші орталық ­саналады.

Аталған клиникада тұңғыш рет ­бүй­­рек алмастыру трансплан­тация­сы­­нан төрт ай өткен соң, Грузия және Қыр­ғыз Рес­­пуб­ли­касының аза­мат­­тарына бүйрек алмастыру опе­ра­циялары жасалды. Отаны Астана қала­­­сындағы ұлттық ғылыми онко­ло­гия-транс­плантологиялық орта­лы­ғы­­нан келген тәжірибелі маман Ған­и Құттымұратов жасады. Ғани Мұратұлы бүгінде осы «Кар­диохирургия және транс­план­тология ғылыми-клини­калық орталығы» директорының орынбасары болып жұмыс істейді. Оның айтуынша, мұнда алғашқы бүйрек алмастыру операциясы жасалған мамыр айынан бері 3-4 бүйрек алмастыру отасын өздері жасапты. Оның біреуі ғана ел азаматы болса, қалғаны шетел азаматтары екен. Енді тоғызыншы рет шетел азаматына ота жасалды. Қырғыз елінің 62 жастағы азаматына 35 жастағы немере інісі бүйрегін беріпті. Грузия азаматының да жағдайы осыған ұқсас екен. Оның туыстары да науқастың өмірін сақтап қалу үшін трансплантация жасауға келісіпті.

Трансплантолог Ғани Құтты­мұратов елімізде бүйрекке мұқ­таж жандардың көп екенін айтады. Ал қазіргі кезде ағзалар тек тірі донордан ғана алынуда. Дей тұрғанмен, кез келген адам үшін ағзасының бір бөлше­гін беру оңай емес. Сонда да болса қайы­рымды азаматтар туыс­тары­ның өмірі үшін осындай ерлік­ке барып отыр. Мәселен, бір ғана Жамбыл облысында 250-ге тарта азамат трансплантация жасату үшін айлап аурухана төсе­гіне таңылып, донор күтуде екен. Елі­мізде олар­дың саны үш жа­рым мың­нан асады. Тіпті кей­бір­ науқас азаматтар жасанды бүй­рек­тің қыз­ме­ті­не жүгінуге мәжбүр.

Адамның қай жері ауырса, жаны сол жерде. Кейбір азамат­тарға донор табылып, сәтті операция жасалғанымен, көпшілік үшін бұл мәселе әлі өзекті. Тараз қаласындағы білікті мамандар жұмыс істейтін «Кардиохирургия және трансплантология ғылыми-клиникалық орталығы» талай жанның өмірін сақтап қалуда еңбек етіп, отандық медицинаның дамуына үлес қосып келеді.

 

Хамит ЕСАМАН,

«Егемен Қазақстан»

Жамбыл облысы

Баннер
Соңғы жаңалықтар

Балқаш қол бұлғайды

Туризм • Кеше

ҰБТ тапсырушыларға кеңес (видео)

Қазақстан • 18 Маусым, 2019

Мишель Платини тұтқындалды

Футбол • 18 Маусым, 2019

Ұқсас жаңалықтар