Машина жасаушылар форумына әлемнің 20 елінен 1000-нан астам делегат қатысады

Бүгін ҚР Үкіметінің баспасөз орталығында өткен брифингте Қазақстан машина жасаушыларының VI форумының мақсаттары мен міндеттері туралы «Қазақстан машина жасаушылары одағы» ЗТБ басқарма төрағасы Мейрам Пішембаев айтып берді.

Егемен Қазақстан
20.09.2018 3181
2

Бүгін Астана қаласында VI Қазақстан машина жасаушылары форумы басталды. Форумның тақырыбы: «Төртінші өнеркәсіптік революция жағдайындағы дамудың жаңа мүмкіндіктері».

Мейрам Пішембаев Форум жұмысына АҚШ, Германия, Италия, Ресей, Түркия, ҚХР және т.б. секілді әлемнің 20 елінен 1000-нан астам делегат қатысатынын атап өтті.

«Форум қатысушылары жылдан жылға сандық әрі сапалық жағынан артып келеді. Қазақстан машина жасаушыларының жыл сайынғы форумы машина жасаушылар саласының маңызды ойыншылары қатысатын бірегей алаң ретінде танылды. Форум жалпы бизнес қауымдастық үшін және жекелей алғанда машина жасау индустриясы үшін үлкен мәнге ие және едәуір пайда әкелетіні сөзсіз», — деді М. Пішембаев.

БАҚ сұрақтарына жауап бере отырып, ҚР Машина жасаушылар одағының басқарма төрағасы Индустрия 4.0 элементтерін енгізу туралы айтып берді.

«Төртінші өнеркәсіптік революцияның дамуын әрбір қазақстандық сезіне алады. Бүгінде осыған дейін таңғажайып ретінде саналған идеялар шындыққа айналуда. Бұл – автопилоттар, комбайнерсіз астық жинайтын пилотсыз комбайндар, ақылды үйлер, жасанды зерде», — деді ол.

Сондай-ақ, оның айтуынша, төртінші өнеркәсіптік революцияның кезекті белгілері — роботтандыру, автоматтандыру, цифрландыру, заттар интернеті, жаңа композитті материалдар жасау. Машина жасау саласы трендте болуы тиіс.

«Әсіресе төртінші өнеркәсіптік революция жағдайында экономиканың, соның ішінде, машина жасау саласының, бәсекеге қабілетті өнімді шығарудың, еңбек өнімділігін арттыру мен жаңа аддитивті технологияларды енгізудің технологиялық жаңғыруы біз үшін өте маңызды. Осы мәселелердің барлығы Машина жасаушылар форумында кеңінен талқыланбақ», — деді М. Пішембаев.

Сонымен қатар, ол машина жасау саласында бір жұмыс орны ашылғанның өзінде, оған іргелес өнеркәсіп салаларында он шақты жұмыс орны ашылатынын, осылайша кадрлардың біліктілігі артып, күрделі техниканы шығару көлемі ұлғайып, экспортқа бағдарлана бастайтынын атап өтті.

Форум аясында шетелдік серіктестермен бірлескен кәсіпорындар құру, технологиялар трансферті туралы меморандумдарға қол қойылады. Сонымен қатар, қатысушылар отандық машина жасауды одан әрі дамыту, бәсекеге қабілеттілікті арттыру бойынша тәжірибелік ұсыныстар жасайды.

Форумның басты ерекшеліктерінің бірі — Форум аясында Қазақстанның машина жасау саласын дамытудың 2019–2030 жылдарға арналған кешенді жоспарының жобасы таныстырылады, ол орта мерзімді кезеңде саланы дамытудың стратегиялық жоспары болады.

Кешенді жоспардың мақсаты — отандық машина жасаудың бәсекеге қабілеттілігін арттыру, ішкі нарықты Қазақстанда шығарылған өнімдермен қамтамасыз ету, экспорт деңгейін ұлғайту. Кешенді жоспар жаңа сапалық деңгейге көшуді – негізгі өндірісті жаңғыртуды көздейді. Қолдау тұрғысынан жоспарда қаржылық емес, қаржылық, оның ішінде қолдаудың қазыналық шаралары қарастырылған. Табысқа жетіп, тиімділікті арттыруға, технологиялық жаңартуға қаражат салуға, бәсекелі өнімдер шығаруға және жаһандық нарыққа шығуға мүдделі машина жасау кәсіпорындарына жан-жақты қолдау көрсетіледі.

СОҢҒЫ ЖАҢАЛЫҚТАР

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

16.02.2019

Алматыда студенттер арасында «IITU Robocon 2019» роботехника чемпионаты өтті

16.02.2019

Павлодарда «Қаһармандар» республикалық қоғамдық қорының филиалы ашылмақ

16.02.2019

Сенатор Ә.Құртаев Азия елдері парламентшілерінің кездесуіне қатысты

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу