Астанада өткен дөңгелек үстел «Көпжақты сауда жүйесінің болашағына еуразиялық көзқарас: ДСҰ-ға қосылу және ДСҰ қағидалары» тақырыбымен өтті. Басқосуға қатысушылар атап көрсеткендей, бұл тақырып аталған аймақтағы қазіргі жағдай мен алдағы перспективаларды бағалау мақсатында белгіленді.
Қазақстан ДСҰ-ға 2015 жылғы қарашада бұл ұйым 162-толыққанды мүшесіне айналған еді. Еліміздің ДСҰ-ға қосылу жөніндегі келіссөздер үдерісі ДСҰ тарихындағы ең күрделі де бірегей келіссөз үдерістерінің бірі ретінде бағалануда. Осының нәтижесінде ұйым мүшелері Қазақстанды сауда саясатын халықаралық құқықтарға сәйкес жүргізетін, қолайлы инвестициялық ахуалы бар ел ретінде таныды. Қазіргі таңда Қазақстан әлемнің 185 елімен сауда қарым-қатынастарын дамытуда, еліміздің сыртқы саудасының 90%-і ДСҰ-ға мүше елдерге тиесілі болып отыр.
Астанада өткен дөңгелек үстел барысында мәлім болғандай, Қазақстанның сыртқы сауда көлемі 2017 жылы 77 млрд АҚШ долларын құрады. Соңғы 10 жылда біздің елімізге тартылған тікелей шетелдік инвестициялар көлемі 200 млрд АҚШ долларынан асты.
Сұңғат ӘЛІПБАЙ,
«Егемен Қазақстан»