![Әр қазақстандықтың ойын жеткізді - Әлжан Шәмшідін](/article_photo/1538969252_article_b.jpeg)
Солардың қатарында өзімнің назарымды аударған бірнеше мәселе бар. Ол әрине өз салама байланысты. Президенттің ауыл шаруашылығы саласындағы еңбек өнімділігін арттыру үшін техникалық жабдықтарды барынша жаңарту, соңғы технологияларды үнемі қолданысқа енгізіп отыру, жыл сайын қосымша осы салаға 100 млрд доллар көлемінде қаржы бөлу туралы айтқандары көңіліме қонды. Сондай-ақ дайын ауыл шаруашылығы өнімдерін экспорттауға, ауыл шаруашылығы ғылымын дамытуға ерекше көңіл аударғаны қатты ұнады.
Жалпы соңғы жылдары еліміздің ауыл шаруашылығының аяқтанып кетуі үшін мемлекеттен бөлінген қаржының көлемі екі есеге ұлғайғанын айтқым келеді. Мәселен, тек ғылыми жұмыстарды жүргізіп, саланың инновациялық дамуына 7 жарым млрд теңге бөлінді. Жаңа технологиялық жабдықтармен қамтуға мемлекеттен 4 млрд-тан астам, ал базалық қаржыландыруға 2,5 млрд теңге бөлінді. Жалпы алғанда, саланың ғылыми дамуы үшін зерттеу орталықтарына, ғылыми мекемелерге 14 млрд теңгеден астам қаржы құйылмақ.
Елбасының мегаполистер мен ірі қалалар маңайында қайта өңдеу зауыттарының өндірісін қолға алу туралы тапсырмасы ауыл шаруашылығы саласының өкілдеріне, жалпы нарықта жаңа жұмыс орындарын ашу мүмкіндігін береді.
Еліміздің экспортқа шығаратын дайын өнімдерді жасап шығаруға әлеуеті мол. Қолбайлау – Елбасымыз айтқандай жаңа кадрлар мен жаңа технологиялар жетіспеушілігі. Егер екеуін неғұрлым тезірек қолға алсақ, еліміздің ауыл шаруашылығы соғұрлым тез дамиды деген ойдамын.
Әлжан ШӘМШІДІН,
«Мал шаруашылығы және ветеринария ғылыми-инновациялық орталығының» директоры