Атыраудың алғашқы геопорталы аймақ туралы толық ақпарат ұсынады

Жер кезегіне тұру, мемле­кет­­тік қызметтер мен сервистер туралы ақпарат та осында көр­­се­тілген. Бұл – Елбасы тапсыр­­масымен қолға алынған «Цифр­лы Қазақстан» мемлекеттік бағдар­ламасының жемісі. Облыс әкімді­гінің қолдауымен облыс әкімі ап­паратының Ахуалдық орталы­ғының тапсырысы негізін­де жасақталған Атырау облысы­ның геоақпараттық порталы – ай­мақтың түрлі бағыттағы қызмет­терін қамтитын, әр нысанның әлеу­меттік, көліктік, инженерлік ин­фр­­а­құ­рылымы туралы дерек­тері орна­лас­тырылған облыс пен қаланың алғашқы электронды картасы.

Геопорталды дербес компьютермен қатар, Android және iOS негізіндегі кез келген ұялы құрылғыдан «Smart Атырау» қосымшасы арқылы қарауға болады. Қала тұрғындары мен қонақтары Атырауға қатысты барлық ақпаратты осы порталдан ала алады. Ал «Жолдаулар» сервисі арқылы аймақты басқару үрдерістеріне қатысу мүмкіндігі қамтамасыз етілген. Кез келген қызығушы Атырау қаласының бас жоспарымен танысуына болады. Әлеуетті инвесторлар үшін мақсаттары, жалпы сомасы, қазіргі ахуалы мен артықшылықтары сипатталған жобалар жарияланған.

Порталдағы облыста өтетін жер аукциондары мен конкурс­тар туралы ақпараттық жарияланымдар кәсіпкерлерге пайдалы екені сөзсіз. Өйткені онда сатылымға шығарылған жер телімдерінің орналасқан жері мен қатысу шарттары, өтінім қабылдау орындары да көрсетілген. Сол арқылы қатысушы жер телімінің артықшылықтарын біле алады. 

«Цифрлы Қазақстан» бағ­дар­ламасы аясында жүзеге асқан бұл жоба ақпараттың қолже­тім­ді болуына, ұсынылатын қыз­мет­тердің са­пасына, сыбайлас жем­қор­лық­тың алдын алуға бағыт­талған. Жыл соңына дейін облыс халқына гео­порталда жер қатынастары, сәулет және қала құрылысы салаларында 20-ға жуық электронды қызмет алу бойынша сервистер ұсынылады. Бұл жер телімдерін, техникалық шарттарды, сәулет-жоспарлау тапсырмасын беру секілді өтінім беретін рәсімдерді жеңілдетеді.

Мемлекет басшысы биылғы Жолдауында «Жер қатынастары мен құрылыс саласындағы бюро­крат­тық рәсімдер жұртшылықты мазалайтын мәселелердің бірі болып саналады. Бұл салада ашық­тық жоқ, халық пен бизнес ақпа­ратқа толық қол жеткізе алмай отыр. Жер қоры мен жылжы­май­тын мүлік нысандары туралы мәліметтердің бірыңғай ақпарат­тық базасын жасауды тапсы­рамын. Жалпы, 2019 жылы көр­сетілетін мемлекеттік қызмет­тердің 80 пайызы, ал 2020 жылы кемінде 90 пайызы электронды форматқа көшірілуге тиіс», деп атап көрсетті. Атыраудың ал­ғаш­қы геопорталы да осы мақсатта қолға алынған жоба ретінде ха­лықтың көңілінен шығады деген сенім бар. 

Бақытгүл БАБАШ,

«Егемен Қазақстан»

АТЫРАУ