Мексикалық Сауль Альварестен жеңілгеннен кейін жерлесіміз барлық атағынан айырылып қана қоймай, халықаралық ұйымдардың үздіктер тізімінде де біраз төмендеді. Мысалы, күні кешегіге дейін IBF рейтингінде төртінші орында тұрған GGG қазіргі кезде 11-ші сатыға сырғып түсті. Осы жайсыз жаңалықты естігенде қазақстандық жанкүйерлердің де көңілдері біраз жабырқап қалды. Өйткені, Геннадий Головкинді тек қана үздіктер қатарынан көруге біздің көзіміз үйреніп қалған.
IBF рейтингінде әзірге көшбасшы жоқ. Ал «ТОП-10» боксшының қатарына мына саңлақтар еніп отыр:
2. Джек Кулкай (25-3, 13 КО – Эквадор/Германия).
3. Мартин Мюррей (37-4-1, 17 КО – Ұлыбритания).
4. Сергей Деревянченко (12-1, 10 КО – Украина).
5. Камил Шеремета (18-0, 4 КО – Польша).
6. Давид Лемье (40-4, 34 КО – Канада).
7. Риота Мурата (14-2, 11 КО – Жапония).
8. Патрик Войжитски (12-0-1, 4 КО – Германия).
9. Джейсон Уэлборн (24-6, 7 КО – Ұлыбритания).
10. Роб Брант (24-1, 16 КО – АҚШ).
Ғалым СҮЛЕЙМЕН,
«Егемен Қазақстан»
