Аймақтар • 20 Қараша, 2018

Солтүстік Қазақстанда заманауи оқушылар сарайы ашылды

121 реткөрсетілді

Облыс орталығында соңғы үлгідегі оқушылар сарайы пайдалануға берілді.

Бұл күні оқушылар мен ата-аналарға «ашық есік күні» ұйымдастырылды. Олар орталықтағы үйірмелердің жұмысымен,  ІТ-технологиялардың қыр-сырларымен танысуға мүмкіндік алды. Мерекелік концерт ұйымдастырылды. Фотоаймақта робот-актер Теспианмен фотосет өткізілді.

Орталықтың ашылу рәсімінде сөйлеген сөзінде облыс әкімі Құмар Ақсақалов аталмыш нысанның маңыздылығын атап өтті.  

«Оқушылар сарайы – Елбасының солтүстікқазақстандық балаларға жасаған сыйлығы. Бұл  барлық талаптарға жауап беретiн, әлемдегі озық IТ-технологиясы пайдаланылатын озық үлгідегі ғимарат саналады. Бiлiм беру, танымдық дәрістер, робототехника, биотехнология, мехатроника, көркемөнер, мәдениет, шығармашылық,  ойын-сауық үйірмелері, нақты ғылымдар орталығы – бәрі барлық деңгейдегi балаларға арналған»,деді Қ. Ақсақалов.

Оқушылар сарайында  87 үйірмеге 1800 бала бір мезгілде қатыса алады.

Өмір ЕСҚАЛИ,

«Егемен Қазақстан»

Солтүстік Қазақстан облысы

Баннер
Соңғы жаңалықтар

Ұқсас жаңалықтар