Туризм • 03 Қаңтар, 2019

Ұлытауда туристерге арналған сапар орталығы ашылады

173 реткөрсетілді

2019 жылдың көктемінде Қарағанды облысының Ұлытау ауданында сапар орталығының құрылысы басталады. Ол жайында аймақтық коммуникация орталығында өткен брифинг барысында Ұлытау ауданының әкімі Әнуар Омар мәлімдеді, деп хабарлайды аудан әкімдігінің ресми сайты.

- Біздің ауданда тарихи туризм, экотуризм, агротуризм және киелі мекендерді аралау секілді бағыттар дамытылатын болады. Ол үшін Мәдениет және спорт министрлігі 718 млн теңге бөлген болатын, бұл қаражат сапар орталығының құрылысына жұмсалады. Қазіргі таңда мердігер компания анықталып, мемлекеттік сатып алулар бойынша барлық процедуралар өткізілді. Орталық құрылысы келесі жылдың көктемінде басталады, - дейді Әнуар Омар.

Ұлытау ауданы әкімдігінің ресми сайтының мәліметінше, Жезкиік және Көкмайса этнофестивалдерін өткізу Ұлытау ауданына келетін туристер ағымын ұлғайтқан. Егер 2017 жылы Ұлытауда шамамен 11 мың турист болып қайтса, 2018 жылы бұл көрсеткіш 25 000-ға өскен.

- Ауданымызға туристердің қызығушылығы артып келе жатқанын байқап отырмыз. Осыған орай, ауқымды жұмыстар өткізуді жоспарлаудамыз. Осылайша, сапар орталығының маңында этноауыл салуды көздеп отырмыз. Аталмыш жобаны жүзеге асыру үшін облыстық Кәсіпкерлік басқармасымен бірлесе отырып, этноауыл құрылысына 150 млн теңге салуға дайын инвесторларды іздестіріп жатырмыз. Сондай-ақ келесі жылы киелі орындарға баратын жолдар да жөнделеді. Облыстық бюджеттен Сарлық ауылына дейін баратын 40 шақырым жолды жөндеуге 636 млн теңге бөлінді. Дәл осы ауылдың жанында екі ірі туристік нысандар – Хан ордасы мен Алтын шоқы орналасқан, - дейді Әнуар Омар.

Ұлытау ауданының әкімі сонымен қатар туристер үшін қызмет көрсету сапасы қалай жақсартылатыны туралы айтты.

- Бізде қонақ үйлер жоқ, сондықтан біз бұл проблеманы басқаша шешу жолдарын қарастырып жатырмыз. Мысалы, Ұлытау ауылында тұрғындар өз үйлерінен туристерге 29 бөлме бөлуге дайын екендерін жеткізді. Аманкелді кентінде – 12 бөлме. Мәдени нысандар орналасқан ауылдар мен ауылдық округтердің барлығында біз тұрғындармен келіссөздер жүргізіп, туристерге жатын орындарын бөлу мәселесін шешудеміз. Сонымен қатар қонақ үйлер салатын инвесторларды жұмылдыру әдістерін қарастырып жатырмыз, - деп мәлімдеді Әнуар Омар.

Баннер
Соңғы жаңалықтар

Ақ халатты абзал жан

Қоғам • Бүгін, 15:14

Қоғамға белсенді жастар керек

Аймақтар • Бүгін, 15:14

«Жас жалын» топ жарды

Спорт • Бүгін, 09:59

Қапастағы қолөнер

Аймақтар • Бүгін, 09:55

Турнирдің финалына шықты

Спорт • Бүгін, 09:49

Халық алдында есеп берді

Қоғам • Бүгін, 09:45

Тұңғыш рет топ жарды

Спорт • Бүгін, 09:40

Қаламгерлерді қуантты

Руханият • Бүгін, 09:37

Қарсыластардың осалы жоқ

Қысқы спорт • Бүгін, 09:29

Ерлік есеппен жасалмайды

Қоғам • Бүгін, 09:27

Жазғы универсиада мәреге жетті

Аймақтар • Бүгін, 09:18

Ортақ міндет – Отанға адал қызмет

Қазақстан • Бүгін, 09:15

«Құланнан» өрген құлындар

Аймақтар • Бүгін, 09:14

1 жылдағы белестер

Қазақстан • Бүгін, 08:48

Түркістанның түлеуі

Аймақтар • Бүгін, 08:45

Шектен шыққан шиеленіс

Әлем • Бүгін, 08:33

Ұқсас жаңалықтар