А.Дәрменов 1978 жылы Қостанай облысында дүниеге келген. ҚР ІІМ Алматы заң институтын, ІІМ академиясының адъюнтурасын бітірген. Заң ғылымдарының кандидаты. 2008 жылы Германиядағы Дж.К.Маршал атындағы Еуропалық қауіпсіздік мәселелері жөніндегі зерттеу орталығында білімін жетілдіріп, 2012 жылы «Болашақ» бағдарламасымен Ұлыбританияның Кембридж университетін аяқтаған.
Сонымен қатар оның ғылыми-оқытушылық салада да мол тәжірибесі бар. Қатардағы тергеуші қызметінен ҚР ІІМ Кадрлық саясат департаментінің басшысы қызметіне дейінгі лауазым жолынан өткен.
Ал академияның бұған дейінгі бастығы полиция генерал-майоры Д.Кенжетаев ішкі істер органдарынан босатылды.
Айта кету керек, жаңа жыл мерекесі қарсаңында әлеуметтік желіде полиция киіміндегі қызметкердің құттықтауы тарады. ҚР ІІМ Қарағанды академиясы бірінші курс басшысының орынбасары А.Тастайбеков құттықтау сөзінде қылмыс әлемінің адамдары жиі пайдаланатын сөздерді айтқаны үшін жұртшылықтың сынына ұшырап, іле-шала қызметінен қуылды.
