Экономика • 21 Қаңтар, 2019

«Жасыл» компаниялар рейтингі жасалды

154 реткөрсетілді

Орталық коммуникациялар қызметінде еліміздегі ірі өндіріс ошақтарының «жасыл» рейтингінің нәтижелеріне арналған баспасөз мәслихаты өтті.

Баспасөз мәслихатына «Қа­зақ­­­станның экологиялық ұй­ы­м­­­­дарының қауымдастығы» ЗТБ басқарма төрағасы Айгүл Солов­ьева мен бірлестік тө­р­аға­­сының орынбасары Ел­дос Абақанов, Интерфакс-ЭРА агенттігінің директоры Александр Мартынов, Халық­ара­лық «жасыл» технологиялар және инвестициялық жобалар орталығының жетекшісі Рапиль Жошыбаев қатысты.

Интерфакс-ЭРА агенттігі дирек­торының айтуынша, 11 түр­лі салалық рейтингіні анық­тау­ға Қазақстанның 200-ден ас­там компаниясы қатысыпты. Олар­­дың басым бөлігі мұнай-газ, тау-кен, машина жасау өнер­кәсібі, энергия тарату сала­сын­­дағы кәсіпорындар.

– Мұнай-газ ком­пан­ия­ла­­ры­­ның арасында «СНПС-Ақ­тө­­­бе­­­­мұнайгаз», «Қаз­Транс­­газ», «Теңізшевройл», «Өзен­мұнай­­газ», «Қаз­Мұнай­Газ Бар­лау Өндіру» компаниялары, «Қаз­МұнайГаз» Ұлттық компания­сы жоғары нәтиже көрсетті, – деді А.Мартынов.

Қазақстан мен Ресей ком­пания­ларының жалпы рейтин­гінде қара және түсті метал­лур­гия­ға қатысты рейтингіде ­«Қаз­ақ­мыс» корпорациясы» ЖШС – 81-орынды, «Жез­қаз­ғантүстіметалл» АҚ – 107, Ар­се­лорМиттал Теміртау» АҚ – 125, «Қазақстан алюминийі» ЖШС – 139, «Қазцинк» ЖШС – 145-орынды иеленген.

Экологиялық-энергетикалық тиім­ділік көр­сет­­кіші бой­ын­ша «Астана-ай­мақтық электр желілері ком­­паниясы» АҚ, «Астана-Жы­лу­­транзит» АҚ, «Сары­ар­қа­Авто­Пром» ЖШС, «Кен­тау транс­форматор зауыты» АҚ, «КЭМОНТ» АҚ және тағы басқа кә­сіп­орындардың нәти­же­лері жоғары.

Жалпы, өңірлердегі ластану көрсеткіші бойынша Атырау, Қарағанды, Өскемен сынды өндірісі дамыған, өнеркәсіп орындары көп облыстар тізім басында тұр екен.

– Осы мақсатта жергілікті ат­қару­шы органдармен бай­ланыс орнатып, облыс әкім­дік­терімен және рес­пуб­ли­ка­лық маңызы бар қала­лар­дың әкімдіктерімен келісім жаса­дық. Орталық ай­мақ­­тар­дың басшылығына ин­вес­тор­лар мен бизнес жоба­лар­ға «жасыл» технологияны дамы­ту­ға қатысты әдістемелік, құқ­ық­тық және техникалық қол­дау көрсетеді, – деді Рапиль Жошыбаев.

«Жасыл» технологияларды енгізу, энергияны тиімді пайдалану көрсеткіштері, ауаға көмір­тегін тарату көлемі сынды түрлі өлшемдер бойынша ірі компаниялардың рейтингін анықтау туралы бастама өткен жылы қолға алынған болатын. Оны Қазақстанның эко­логиялық ұйымдары қа­у­ым­дастығы ұсынған еді. Бұл рейтинг отандық компаниялардың қоршаған ортаға тигізіп жатқан әсерін анықтауға, сонымен қатар олардың экологиялық саясатты ашық жүргізуіне мүмкіндік бермек.

Арнұр АСҚАР,

«Egemen Qazaqstan»

Баннер
Соңғы жаңалықтар

Ұқсас жаңалықтар