Қоғам • 22 Қаңтар, 2019

Азат Перуашев көше, мекеме атауларына Алаш қайраткерлерінің есімдерін беруді ұсынды

373 реткөрсетілді

Азат Перуашев аймақтар мен қалалардағы көше, мекеме атауларына 750-ге жуық Алаш қайраткерінің есімдерін беруді ұсынды. Бұл жөнінде республикалық маңызы бар қалалар мен облыс әкімдерінің атына тиісті хат жолданды. Бұл туралы «Ақ жол» Демократиялық партиясының баспасөз қызметі хабарлады. 

Аталған 750 арыстың тізімі жасалып, тіпті, олардың қай өңірде, қай қалада дүниеге келгені, қайда қызмет еткені де анықталды. Бұл жинақталған тізім әкімдерге жіберілді.

«Ақ жол» партиясының төрағасы хатта «осы бағыттағы жұмысты жалғастыру – бүкіл қоғамымыздың және жаңғырған заманымыздың өзекті талабы. Мысалы, ақжолдық депутаттардың сауалына берілген ресми ақпарат бойынша ел аумағында Ленин (506 көше), Киров (54 көше), Маркс (40 көше), Крупская (28 көше), Свердлов (24 көше), Энгельс (23 көше) атындағы көшелер, мекемелер мен аймақтық атаулардың тапжылмаған күйі тұрғаны түсініксіз», - деп мәлімдеді.

Сол себепті «Ақ жол» әкімдерден аймақтар мен қалалардағы көше, мекеме атауларына еліміздің тағдырына еш қатысы жоқ адамдардың орнына, бірінші кезекте ұлт тәуелсіздігі жолында жанын пида еткен Алаштың көрнекті қайраткерлерінің есімдерін беруді ұсынып отыр.

«Алаш арыстарын ұлықтау – ешбір басқа этносқа қарсы бағытталған бастама емес. Керісінше, біздің ойымызша, Алаш мұраты бүкіл қазақстандықтарды біріктіріп, еліміздің нағыз ұлттық идеясына айналуы тиіс», - делінген ресми хатта.

Соңғы жаңалықтар

Ауыр атлеттер Катарға аттанады

Ауыр атлетика • Бүгін, 12:08

Жақсы ауданындағы жақсы істер

Аймақтар • Бүгін, 11:49

Көпбалалыларға көмек

Аймақтар • Бүгін, 11:41

Күлкі керуені № 22

Руханият • Бүгін, 09:45

Фариза ақынның ұстазы

Руханият • Бүгін, 07:41

Армениямен ынтымақтастық дамиды

Парламент • Бүгін, 07:37

Жастар сыйлығы тапсырылды

Қоғам • Бүгін, 07:33

Әлдибастау әулиесі

Руханият • Бүгін, 07:23

Тәу етер жалғыз киеміз

Қоғам • Бүгін, 07:18

Көзін тапқанға кәсіп көп

Қоғам • Бүгін, 07:13

Темір жолды жағалап топ бала жүр

Аймақтар • Бүгін, 07:08

Бірқатар кездесу өткізді

Президент • Бүгін, 07:04

Ұқсас жаңалықтар