Қысқы спорт • 30 Қаңтар, 2019

Жасөспірімдер арасындағы әлем чемпионаты: Биатлоншылар эстафетада 4-ші орын иеленді

125 реткөрсетілді

Словакияда өтіп жатқан биатлоннан жасөспірімдер арасындағы әлем чемпионаты аясында 3х7,5 шақырымдық эстафета аяқталып, Қазақстан құрамасы қолаға қол созым жерден тоқтады деп жазады Olympic.kz. 

Қазақстан сапынан жарысты бірінші болып Кирилл Бауэр бастады. Ол ату кезінде мүлт кетпей, төртінші орынға көтерілді. Кейін Никита Акимов жарыс жолына шығып, хаттамада екінші нәтижені көрсеткен болатын.

Эстафетаны қабыл алған Владислав Киреевтің жылдамдығы жоғары болды. Алайда, командаластарына қарағанда, ату алаңында мүлт кеткен болатын. Осылайша, көшбасшы командадан 41.5 секундқа қалып қойған Қазақстан құрамасы төртінші орын иеленіп, гүл сыйлау рәсіміне қатысты.

Тағы бір айта кетерлігі, біздің спортшылар өзгелерге қарағанда атудан жақсы нәтиже тіркеді. 

Алтын жүлде Германия спортшыларына бұйырды. Күміс медальді Словакия, қола медальді Италия құрамалары иеленді.

Баннер
Соңғы жаңалықтар

Ұқсас жаңалықтар