Төлеген Қабдөшев Көкшетау гуманитарлық-экономикалық университетін, Солтүстік Қазақстан мемлекеттік университетін қаржы және несие, құқықтану бакалавры мамандықтары бойынша тамамдаған.
Еңбек жолын 1994 жылы Петропавл қаласы бойынша салық инспекциясы кәсіпкерлік қызметке салық салу бөлімінің инспекторы қызметінен бастаған. Салық қызметі органдарында бас инспектор, бөлім секторының меңгерушісі, бөлімдер мен басқармалардың басшысы болып жұмыс істеген. 2005-2009 жылдары облыстық салық қызметінің аудандық бөлімшелерінің басшысы, 2009 жылдың наурызынан 2014 жылға дейін облыстық салық департаменті басшысының орынбасары, ал 2014 жылы қайта құрылғаннан кейін – Солтүстік Қазақстан облысы бойынша мемлекеттік кірістер департаменті басшысының орынбасары болған.
Өмір ЕСҚАЛИ,
«Егемен Қазақстан»
Солтүстік Қазақстан облысы
