Азия ойындарында үздік нәтиже көрсеткен Гузалия Гафурова, Дидар Әмірәлі және Данияр Юлдашев Жапония ұлттық құрамасының спортшыларымен бірлескен оқу-жаттығу жиынын өткізуде. Бірлескен жиынға Жапония құрамасының бас бапкері Ко Хаяши жетекшілік етуде.
Алдағы алты күн ішінде ірі жарыстарда жиі кездесетін қарсыластар бір бапкердің қоластында жаттығып, өз әдіс-тәсілдерін жетілдіре түспек.
«Біздің бір-бірімізден үйренетін тұсымыз көп. Техникалық жағдайлардан бөлек, заманауи жапон каратесінің қыр-сырына да қанығуымыз қажет», - дейді ұлттық құрама бас бапкері Жасталап Санауов.
