Суретті түсірген: Қанат Есжанов
Сәтбаев ауылдық аумағы әкімінің маманы Қанат Есжановтың айтуынша, қыран баптап, құмай тазы жүгірткен бұл сайысқа 12 Құмай тазы қатысыпты.
Ал, 5 құмай тазыны Баянауылдың Сәтбаев ауылының саятшылары дайындап алып барған.
Сайыс ережесіне сәйкес, құмай тазылар 3 шақырымға дейін жүгірген.
Жарыс соңында Сәтбаев ауылынан қатысқан саятшылар Әмір Жермұхановтың «Ақбақай» атты тазысы 1-ші орынға, Ержан Аймағамбетовтің «Сарықасқа» атты тазысы 2-ші орынға, Әлихан Дүйсенбековтің «Аққұс» атты тазысы 3-ші орынды, Арсылан Сағынжанның «Лашыны» 4-ші орынды иеленді.
Саятшы Әмір Жермұханов 24 жаста. Ол Қарағанды тау-кен колледжін бітірген, қазір Қарағанды политехникалық университетінде сырттай оқиды.
Қазір Әмір ауылда өзінің шаруашылығында еңбек етуде. Ақбақай атты құмай тазысы 3 жаста. Тазы қалыпта болу үшін жұмасына 2 рет жүгіртіп, аңға шығарады екен.
Фарида БЫҚАЙ,
«Егемен Қазақстан»
Павлодар облысы,
Баянауыл ауданы