Қазақстан • 20 Ақпан, 2019

Жаяу жүруге жайбарақат қарамайық

692 реткөрсетілді

Қазіргі заманның өмір сүру салты, яғни адамның қимыл-қозғалысының азаюы салдарынан жүрек-қан тамырлары аурулары, қант диабеті, сусамыр, простатит, бүйрек және бауыр аурулары, т.б. көбейіп, кетіп отыр. Дүниежүзілік денсаулық сақтау ұйымының ДДҰ болжамына сүйенетін болсақ, бұл қорқынышты деректер жылдан жылға ұлғая беретін сыңайлы.

Әлемдегі кейбір ғалымдардың пікірінше, халықты ең оңай, халықты жоғарыда аталған сырқаттардан арашалап алудың ең қолжетімді әрі тиімді жолы күн сайын таза ауада жаяу жүру. Мәселен, жапон ғалымдары күн сайын 10 мың қадам (шамамен 6-7 км) жаяу жүрген адамның дені сау әрі көптеген аурудан ада болатынын айтады. Ал Американың Онкологтар қауымдастығы қатерлі ісіктің алдын алудың тиімді жолы ретінде де жаяу жүруді ұсынады. Мұндай материалдар медициналық БАҚ-тарда, ғаламторда өте көп. Өзіміз жүргізген сауалдамаларды да сараптайтын болсақ, шын мәнінде жаяу жүруді күнделікті дағдысына айналдырған азаматтар ішінде жоғарыда аталған ауруларға шалдыққандар жоқ екен. 

Өкінішке қарай, біздің азаматтар жаяу жүрмейді, таяқ тас­там жерге де көлікпен барғанды дұрыс көреді, өйткені, көпшілігі жаяу жүру­дің зор денсаулықтың кепілі екендігін, аталған аурулардың алдын алатынын білмейді, ал білетіндері жаяу жүруге ерінеді немесе осы маңызды мәселеге мән бермейді. Сондықтан халық арасында үгіт-насихат жұмыстарын жүргізуіміз керек.

Қазақстанның жаяу жүру және скан­динавияша жаяу жүру федера­циясы (бұдан әрі – Федерация) жаяу жүруді халық арасында жаппай наси­­хаттап, оны жалпыұлттық қоз­ға­лыс­­қа ай­нал­дыруды жоспарлап отыр. Фе­де­­ра­цияны дамыту үшін қатары­мыз­ға қалың бұқараны тартып, ерікті аза­мат­тармен жұмыс істейтін боламыз. Фе­де­рацияның ресми сайты www.hodba.kz 

Біз бір топ белсенді азамат халқы­мыз­­дың денсаулығын жақсартуға өз үле­сі­мізді қосу үшін осы Федера­ция­ны құрдық. Енді «Күн сайын 10 000 қадам жүрейік» деп аталатын жал­пы­ұлттық бағдарламамызды қалың жұртшылыққа ұсынамыз. Біздің бүкіл бағдарламамыз бір ғана сөйлемнен тұрса да оның көтерер жүгі ауыр, мән-маңызы жоғары. Яғни, Федерацияның әрбір мүшесі күн сайын 10 000 қадам жүріп өтуге міндеттенеді. Әрбір адам­ның осы мақсатты орындауы үшін көмектесетін боламыз, яғни оқы­тамыз, үйретеміз, тиісті шаралар ұйым­дастырамыз және қажет болса арнайы дайындаймыз. Біз алды­мызға осындай өте қарапайым да қол­жетім­ді, бірақ халық үшін пайдасы аса зор мақсат қойып отырмыз. Шын мәнін­де жаяу жүрудің адамның ден­сау­лы­ғын жақсартып, өмір жасын ұзар­та­тын­дығына еш күмән болмауы керек. 

ДДҰ деректеріне сүйенетін бол­сақ, соңғы кезде обыр, жүрек-қан тамыр­лары аурулары, простатит, қант диа­беті, өкпе қабынуы, бүйрек және бауыр ауру­ларына шалдығу саны бүкіл әлем бойынша өсіп келеді, біздің еліміз де одан шет қалып отырған жоқ. Ал оның алдын алудың ең тиімді де жал­ғыз жолы жаяу жүру екендігі қазір­гі медицинада дәлел­денген. Сон­дық­тан осы қорқынышты аурулар­­дан халқымызды құтқарудың тиімді жолы − күн сайын жаяу жүру. Біз кеңесімізді 1000 адамға тың­дата алсақ, оларды осы зауалдардан құтқардық деп есептейміз. Егер біздің қатарымызға 1 000 000 адам кі­ре­тін болса, қоғамдағы мил­лион жан­­ның дені сау болып, бақытты болуы­на өз үлесімізді қосқанымыз. Фе­де­рация ауруханалар салмайды, адам емдеумен де айналыспайды, бі­рақ осылайша шын мәнінде мың­даған адамның өмірін құтқаруға атсалысады. 

Біздің елімізде жаяу жүру және скан­динавияша жаяу жүру спорт түрінде танылмаған, яғни респуб­ли­ка­лық спорттық тізбеде спорт түрі ретінде тіркелмеген. Сондықтан біз­ді осы спорт түрлерін заңды түр­де тір­­кетіп, ресми мойындалуы үшін жүр­­гі­зі­летін үлкен жұмыстар күтіп тұр. Осы мақсатта скандинавия­ша жаяу жүру спорты бойынша Финлян­дия­­дағы халықаралық скандинавия­ша жаяу жүру федерациясының стандарттары мен нормативтерін қабылдаймыз. Ал жаяу жүру спорты бойынша өзі­міздің нормативтеріміз бен стандарттарымызды әзірлейміз және соған сәй­кес өзіміздің тәртіптеріміз бен ере­же­лерімізді жасап шығарамыз.

Федерациямыз респубикалық және халықаралық деңгейдегі тиісті аккредиттеу және мойындалу рәсімдерінен өткеннен кейін еліміздегі басқа да мойындалған спорттық федерациялар секілді заңдық негізде өз спортшыларымыз бен жаттықтырушыларымызға тиісті спорттық разрядтар мен атақтар береміз. Мамандар дайындап, тиісінше өзіміздің жаттықтырушыларымыз бен спортшылар құрамын жасақтаймыз. 

Қазақстанның жаяу жүру және скандинавияша жаяу жүру федерация­сын еліміздің барлық өңірінде құра­мыз. Осыған байланысты, өз ден­­сау­­лығымен бірге халықтың ден­сау­­лығын да жақсартуға үлес қосу­ға ниет­тес азаматтарды құрамы­мыз­ға кіруге ша­қырып, Федерация филиа­лының прези­денті, вице-прези­денттері лауазым­дарына конкурс жарияладық.  Барлық ақпарат www.hodba.kz сайтында. 

Жамбыл АХМЕТБЕКОВ,

Парламент Мәжілісінің депутаты, Қазақстанның жаяу жүру және

скандинавияша жаяу жүру федерациясының президенті

Соңғы жаңалықтар

Цифрландыру қадамдары артып келеді

Технология • Бүгін, 20:01

Алматы маңында жер сілкінді

Қазақстан • Бүгін, 10:45

Дзюдо: Бүгін жүлде бұйырмады

Күрес • 24 Қаңтар, 2020

Президент әкімдермен кеңес өткізді

Президент • 24 Қаңтар, 2020

Ұқсас жаңалықтар