Дельфий – таланттылар ойыны
Сәрсенбі, 20 маусым 2012 8:31
Маусым айының алғашқы аптасында облыс орталығындағы Сұлтанмахмұт Торайғыров атындағы университеттің концерт залында VIIІ Дельфилік жастар ойындары болып өтті. Бұл өнер мерекесін облыстық ішкі саясатбасқармасының «Жастар бастамаларын дамыту орталығы» бөліміұйымдастырды. Заты, мән-мағынасы дұрыс, мақсаты жақсыжасөспірімдер, жастар мерекесі еліміз бойынша өтіп жатқан «Болашақбүгіннен басталады» атты шара барысына арналды. Мерекеге әр түрліөнер саласы бойынша әнші, биші 200-ге жуық жас қатысып, бақ сынасты.
Сәрсенбі, 20 маусым 2012 8:31
Маусым айының алғашқы аптасында облыс орталығындағы Сұлтанмахмұт Торайғыров атындағы университеттің концерт залында VIIІ Дельфилік жастар ойындары болып өтті. Бұл өнер мерекесін облыстық ішкі саясатбасқармасының «Жастар бастамаларын дамыту орталығы» бөліміұйымдастырды. Заты, мән-мағынасы дұрыс, мақсаты жақсыжасөспірімдер, жастар мерекесі еліміз бойынша өтіп жатқан «Болашақбүгіннен басталады» атты шара барысына арналды. Мерекеге әр түрліөнер саласы бойынша әнші, биші 200-ге жуық жас қатысып, бақ сынасты.
Сонымен, Дельфий – гректің көне тілінен аударғанда «сыры терең», «сырлы» деген мағынаны білдіреді. Өзге елдің тарихы бұл ойынды Аполлон батырдың атымен байланыстырады. Батыр Пифон деген айдаһардың көзін жойып, жеңіске жетеді. Сол жерде жеңіс әнін шырқайды. Әннің соңы өнердің сан түрлі аспаптарында жалғасып шырқалады. Биге ұласады. Аполлон батыр жеңіске жеткен сыры терең сырлы жердің аты Дельфий деп аталады екен. Бұл б.д.д 582 жыл болса керек.
Облыс орталығында өткен ойындар тағы да жаңа есімдерді таныстырды. Енді бұл жобаның мақсатына келсек, ол: ел тәуелсіздігі жылдарында жеткен жетістіктері негізінде дарынды шығармашылық жастарды айқындау және қолдау, жас ұрпақтың патриоттық сана-сезімін қалыптастыру, өз еліне деген мақтаныш сезімін арттыру, халқымыздың мәдени мұрасын сақтау, жастардың өзге мәдениеттерге қызығушылығын тудыру және оларды толерантты рухта тәрбиелеу.
Ойындар ұйымдастырушылар бекіткен бағдарлама бойынша, бір күнде болып өтті. Ойынға қатысушылар аудандық және қалалық Дельфийлік ойындардың жеңімпаздары атанды. Қатысушылар ұжымдық және жеке орындаушылар болып бөлінді.
Осы мерекені ұйымдастырушылардың бірі Руслан Рахымжановтың айтуынша, жыл сайын облыста өз өнерлерімен, таланттарымен танылған жастар шоғыры көбейіп келеді. Мысалы, классикалық шығармаларды орындаушы пианист Әнел Мұқашеваны алсақ, ол атақты композитор Бахтың туындыларын орындап берді. Ал облыс орталығындағы Құрманғазы атындағы музыка мектебінің оқушысы 15 жастағы пианист Илья Халявко Бетховен шығармаларын орындап, тыңдаушыларын тәнті етті. «Аққу» биін билеген кішкентай Нұрайлым Тұманбаева болса, Лебяжі ауданының Қазы ауылынан келіпті. Оған би билеуді әжесі үйретіпті. Анасы би көйлектерін тігіп беріпті. «Менің арманым Астана мен Алматы сахналарында би билеу», – дейді кішкентай қыз. Басқа да дарынды ұл-қыздар бір жеті бойы өз өнерлерімен жұртшылықты, құрбы-құрдастарын тәнті етті. Таланттарын ұштаған кішкентай өнерпаздар өсіп келе жатқанының куәсі болдық. Ойыннан гөрі, өз тілімізше, өз ұғымымызша айтқанда, шара кәдімгі өнер, достық мерекесіне ұласты.
Дегенмен, өнерлілер сайыста анықталады. Сырлы әуенмен, сырлы үнмен осы ойындарға ілесе білген өнерпаздар байқаудың соңына дейін қалып, өнер мәресіне жетті. Қатысушылар саны көп болды. Жаяу Мұса, Естай, Майра сияқты әншілер дүниеге келген өңірде өнерлі ұл-қыздар жетеді. Сондықтан да, талантты әнші жастардың көпшілігі өңірдің атын шығаруға атсалысты. Облыс орталығында өткен мереке қорытынды гала-концертпен тәмамдалды.
Фарида БЫҚАЙ,
«Егемен Қазақстан».
Павлодар.
