Сайттың мәліметінше, Полтораниннен бөлек, эстониялық шаңғышылар Андрус Веерпалу мен Карел Таммъярв және екі аустриялық спортшы Макс Хауке пен Доминик Бальдлауф ұсталған. Бұл шаңғышылар кеше әлем чемпионаты аясындағы 15 шақырымдық классикалық жүріс бойынша жарыс алаңына шығу керек болатын. Алайда бұл спортшылардың бірде-бірі кешегі жарыс жолына шыққан жоқ.
Бұл ақпаратты сәл кейінірек Халықаралық шаңғы федерациясы (FIS) да растады. «Спортшыларды ұзақ уақытқа созылған тексеру операциясынан кейін ұстадық. FIS үнемі Аустриялық тәртіп сақшыларымен бірлесіп жұмыс істейді. Антидопинг тексеруін бұдан әрі жалғастыра береміз», деп жазады FIS-тің ресми сайты.
Ал Sport24.ru сайтының мәліметінше, спортшыларды алдағы екі күн бойы тексермек. Егер олардың допинг қолданғандары расталсе, Аустрия заңымен 3 жылдан 10 жылға дейін бас бостандығынан айрылуы мүмкін. Өйткені, Аустрия басқа елдерге қарағанда, допинг қолданған спортшылардың үстінен қылмыстық іс қозғайды.
