Қазақтың құшағына сыйып кеттік

Іс-шараға Президент Әкім­ші­лігінің қызметкерлері, ҚХА-дан сайланған Парламент Мәжі­лі­сінің депутаттары, этномә­дени бір­лестіктердің өкілдері, «Жаң­ғыру жолы» жастар қозғалы­сының белсенділері, қоғам қай­раткерлері, елорда тұрғындары мен қонақтары қатысты. 

Гүл қою шарасына арналған жиынды Мәжіліс төрағасының орынбасары Владимир Божко ашып, бұл күннің тарихи және саяси маңызына тоқталып өтті. 

Ал Астана қаласы әкімі­нің орын­басары Нұрлан Нұр­кенов мере­келік шараға жинал­ған­дарды айтулы мерекемен құт­тықтады. 

– Жер аударудың қорқы­ныш­ты жылдарын бастан кеш­кен және Қазақстанды жаңа Отан тұтқан адамдарға құр­мет ретінде бұл күн барлық қазақстандықтардың жадында қалады. Сол кезде еркінен тыс бірнеше этнос өкілдері қазақ даласына жер аударылды. Қазақ даласы қаншалықты кең болса, халықтың рухы да соншалықты дархан. Жер аударылған ха­лық­қа зор ықылас, көмек және қам­қорлық көрсетті. Қазақстанды өз үйі санайтын адамдардың ұрпағы өсті. Үлкендерге өз этносының дәс­түрлерін қолдау және басқа ха­лықтардың мәдениетін сый­лағаны үшін алғыс айтамын, – деді Н.Нұркенов.

Мерекелік шара кезінде, сон­дай-ақ Астана қаласы Корей эт­но­мәдени бірлестігі төр­ағасының орынбасары Роза Пак қуғын-сүргін кезінде Қазақстан аума­ғына жер аударылған түрлі этнос өкілдеріне пана болып, мейі­рімділік танытқан қазақ халқына ризашылығын білдірді. 

– Бүгін біз үшін толғанысқа толы күн. Біз гүл шоқтарын қойып, сол жылдары көптеген халық­ты құшақ жая қарсы алға­ны үшін қазақ жеріне тағы да алғыс айтамыз. Менің анам өткен жылы 100 жасқа толды. Бүгін ол қазақ халқының мейі­рімділігі мен кө­мегін, бізге жаңа үй, Отанды та­буға қалай кө­мектескенін күлім­сіреп, терең құрметпен еске алады. Біз өркендеу мен мүмкіндік­терге толы тату елде өмір сүріп жат­­қа­нымызға зор рахмет айтамыз, – деп Роза Пак өз әсерімен бөлісті.

Іс-шара барысында Қа­зақ­­стан халқы Ассамблея­сының «Жаң­ғыру жолы» респуб­ликалық жас­тар қозғалысының белсенділері Алғыс айту күніне арнап дайын­даған әдеби композициясын ұсынды.

Жалпы, Алғыс айту күнін мерекелеу аясында елімізде 4 мыңға тарта елді мекенде 1570-ке жуық әртүрлі мәдени-көпшілік және қа­йырымдылық іс-шарасын өт­кізу жоспарланған. Оларға 1,4 млн-нан астам адам қатысады деп күтілуде.
Еліміз бойынша «Қазақ елі­не мың алғыс!» монументтері Ал­маты, Батыс Қазақстан, Жам­был, Атырау, Ақтөбе облыстары мен Астана және Шымкент қала­ларында бой көтерген. 

Алтынай ҚАНАТҚЫЗЫ