Қазақстан • 06 Наурыз, 2019

Халықпен тығыз байланыс орнайды

970 реткөрсетілді

Кеше Үкімет үйіндегі баспасөз мәслихатында Елбасының «Нұр Отан» партиясының XVІІІ съезінде берген тапсырмаларын түсіндіру мақсатында Үкімет мүшелері БАҚ өкілдерімен кездесіп, көптің көкейіндегі мәселелерге қатысты мәлімдемелер жасады.

Жиында сөз алған Премьер-Ми­нис­трдің орынбасары Гүлшара Әб­ді­қа­лықова Ел­басының «Нұр Отан» партиясының XVІІІ съе­зінде жүктеген мін­дет­терді шешу үшін үш жылға ел қа­зынасынан 2,3 трлн теңге қара­жат бөлінетінін жеткізді. Оның айтуынша, алдағы бірнеше күн­нің ішін­де бар­лық министрлік ат­қа­ра­тын жұ­мыс­тар­ына орай Жол карталарын әзірлеп, бе­кіт­пек. Со­нымен қатар ақпа­рат­­тық тү­сін­­­діру жұмыстарына телеарна, бас­па­сөз, ин­тернет, әлеуметтік желі өкілдері жұ­мыл­дырылады. 

− Келесі аптадан бастап Үкі­мет мү­ше­лері облыстарға іс-сапармен барып, кең ауқымды түсіндіру жұмыстарын жүр­гізеді. Алдымен өңір бойынша бір­неше облысты қамтимыз. Осы ап­тада Батыс Қазақ­стан, Ақтөбе, Маңғыстау, Атырау облыс­тарына барамыз. Сапар аясында дәстүрлі құрал­дарды пайдаланумен қатар, жаңа форматта жұмыс істейміз. Халықпен кері бай­ланыс болуы керек. Өңірлерде жеке қабыл­даулар өткізу көзделіп отыр. Әрбір министрлік өз бағыты бойынша жер­гілікті жерлердегі көпшілікті алаңдат­қан мәселелерді шешуге міндетті. Бұған қоса, әр өңір­дегі халыққа қызмет көрсе­ту орта­лық­тары мен жұмыспен қамту ор­та­­лықтарының жұмыстары, дайын­ды­ғы қаралады. Жалпы алғанда, осы тоқ­­санның ішінде барлық облысты ара­лаймыз. Бұл үшін Батыс, Шығыс, Сол­түс­тік, Оңтүстік, Орталық Қазақстан өңірін қамтитын карта әзірленді, – деді Г.Әбді­қа­­лықова. Сондай-ақ вице-премьер өңір­лерге сапар барысында аз қамтылған отба­­сылардың үйлеріне барып, ты­ныс-тір­шілігін өз көзімен көріп,  қордаланған мә­селелердің негі­зімен танысуды көздеп отыр. 

Жиында Еңбек және халықты әлеу­­­мет­тік қорғау министрі Бер­ді­­бек Сапарбаев әр от­басының мә­се­лесі тыңғылықты қа­ра­­лып, тиіс­ті көмек тағайындалатынын айтты. 

– Қазіргі таңда қолға алған бас­тамалар­ды жүзеге асыру үшін жергілікті атқа­ру­шы билікпен жұмыс істеп жатырмыз, біз әр от­басына жеке әлеуметтік карта әзір­лемекпіз. Онда отба­сы мүше­лерінің жұ­мыспен қам­ты­луы, олар­дың табыс дең­­гейі, отбасындағы пробле­малар қамты­лады. Осы картаның негізінде қолдау көр­сету үшін кө­мек­ке ең мұқтаж деген отбасылар­ды, азаматтарды анық­таймыз, – деген министр Мем­­ле­кет басшысының бюрократия­ны тө­мендету жөніндегі  тап­сыр­масына қатысты жұ­мыс­тар атқары­ла­тынын да жеткізді.

– Отбасылар атаулы әлеумет­тік кө­мекті алу үшін бір бума қағаз жинайды, әрлі-берлі мекемелер арасында жүреді. Соны азайту үшін қазір бізде «Е-Халық» ақпараттық жүйесі бар, сол арқылы тиісті жұмыстар іске асырылады, – деді министр. 

Премьер-Министрдің орынбасары Г.Әбдіқалықованың ай­туынша, атаулы әлеуметтік көмек тұрмыс деңгейі төмен от­басы­ларға ғана беріледі. Елімізде жал­пы алғанда 4 миллионнан астам отбасы бар. Бұл отбасылардың тұрмыстық деңгейі әртүрлі. Оның ішінде жағдайы нашар 830 мың тұрғынға көмек жәрдемақы ре­тінде берілетіндігі анықталып отыр. Қа­зіргі уақытта мемлекеттік органға арыз­данып, көмек сұрап жатқан басқа да от­басылардың саны күн санап артуда. 

− Бұл отбасылар жеке қара­ла­тын болады. Бірінші орында жұмыспен қамту мәселесі қо­йылады. Жұмысын бастауы  немесе әрі қарай жалғастыруы үшін әртүрлі деңгейде несиелер беру мәселесі қаралады. Жастарға гранттар беру, көп балалы ана­ларға үйде жұмыс істеуі үшін жағдай жасау мәселесін кең пайдалануымыз керек. Бұл мақсатта тиісті жұмыстар атқарылады, – деді Премьер-Министрдің орынбасары.

Еңбек және халықты әлеу­мет­тік қор­ғау министрі Б.Сапарбаев қандай жағ­дайда көп балалы, аз қамтылған отба­сы­ларға мемлекеттен көмек берілетінін түсіндірді.

– Бүгінде әлеуметтік атау­лы көмек деген бар. Оның төле­нетін мөлшері ең төменгі күн­көріс деңгейіне байланысты. Қа­зіргі таңда көп көтеріліп жүрген мә­селенің бірі – осы төменгі күнкөріс дең­­гейін көбейту. Осы уақытқа дейін 14849 теңге болса, қазір бұл 20789 теңгеге кө­бейеді. Аталған көмекті 570 мың адам алып отырса, енді кемінде 830 мың адам ала­ды. Мысалы, 4 баласы бар ана бүгінде 63 740 теңге алса, жо­ға­рылауға байланыс­ты 103 945 теңге алатын болады. Егер ол кі­сілердің табысы күнкөріс дең­гейінен тө­мен болса, қосымша тағы да жәрдемақы ала­­ды, яғни осы санаттағы жандардың та­бы­сы 114 449 теңге болады. Жалпы, атау­­­лы әлеуметтік көмектің төленуі қазір­гі таң­да бір балаға 4 834 теңге болса, енді ай сайын әрбір балаға 20 789 теңге төле­неді. От­басында балалар оқитын болса оқу бі­тір­­генше, 23 жасқа дейін олар­ға да осын­дай жәр­демақы төле­неді, – деді  Б.Са­пар­баев.

Министр келтірген ақпарат­қа сәйкес, 1 шілдеден бастап бол­жам бойынша 1 миллион қазақ­стандықтың жалақысы көтеріл­мек. Оның ішінде ең төменгі жа­лақы алатын бюджеттік салада жұмыс іс­тейтін қызметкерлердің жалақысы шіл­деден бас­тап 30%-ға өседі. Сон­дай-ақ еңбек өтіліне байланысты бірін­ші-сегі­зінші разряды бар жұмыс істей­­тін­дердің де ең төменгі жала­қы­лары 30%-ға кө­бейеді. Бұған қоса, ауыл, аудан, қала, об­лыс әкім­діктерінде жұмыс істей­тін тө­мен­гі жалақы алатын азамат­тардың да еңбек­ақысы 25%-ға артпақ. Осы арқылы  ең ке­мінде 77 мың адамның жалақысы кө­бейеді. 

Жиында Денсаулық сақтау министрі Елжан Біртанов, Білім және ғылым ми­нистрі Күләш Шәм­шидинова, Индус­трия және ин­фрақұрылымдық даму вице-ми­нистрі Қайырбек Өскенбаев және Ауыл шаруашылығы минис­трі Сапархан Омаров БАҚ өкіл­дерінің сауалдарына жауап беріп, алдағы уақытта атқарылатын жұ­мыстармен таныстырды.

Еркежан АЙТҚАЗЫ,

«Egemen Qazaqstan»

Соңғы жаңалықтар

Басылым басшылары - Сауытбек АБДРАХМАНОВ (1951)

Басылым басшылары • Бүгін, 12:42

Елімізде ет қымбаттады

Қазақстан • Бүгін, 12:28

Басылым басшылары - Ержұман СМАЙЫЛ (1948-2018)

Басылым басшылары • Бүгін, 11:22

Баяғы жартас – бір жартас

Аймақтар • Бүгін, 10:56

Соңғы күндердің бораны сұрапыл

Аймақтар • Бүгін, 10:15

Өтініш-тілектер ескеріледі

Аймақтар • Бүгін, 06:51

Аманатқа қиянат жүрмейді

Таным • Бүгін, 06:49

Қараусыз малға ұры қас

Қоғам • Бүгін, 06:46

Табысты жылыстатудың жолдары

Экономика • Бүгін, 06:40

Шаңырақ неге шайқалады?

Қоғам • Бүгін, 06:35

Жүйелі жұмыс жалғасады

Саясат • Бүгін, 06:33

Мегаполистегі маңызды жобалар

Аймақтар • Бүгін, 06:30

Өткенге есеп, ертеңге бағдар

Аймақтар • Бүгін, 06:28

Атқарылған істер ауқымды

Аймақтар • Бүгін, 06:24

Сақтыққа салғырт емес

Қоғам • Бүгін, 06:20

Ұқсас жаңалықтар