Қазақстан • 06 Наурыз, 2019

Болашаққа сеніміміз мол

867 реткөрсетілді

«Нұр Отан» партиясының XVIII съезінде халқымыздың әл-ауқатын арттыруға бағытталған жаңа бағыт, айқын мақсаттар қойылды. 

 

Біз, Қарағанды облыстық Қазақстан халқы Ассамблеясы Аналар кеңесінің мүшелері «Онжылдық перспективалары: ұлттың жаңа игілігі» доктринасын мұқият тыңдап, оны зор ықыласпен қабылдадық. 

Ел мүддесі үшін қыруар қаржы жұмсалып, өңірлердің, аудандарымыздың дамуына зор серпін беретін мақсаттар қо­йыл­ды. Елбасы әлеумет­тік са­ла­ға республикамыз­дың бар­лық кірісінің 45%-ы бөлінетінін айтты. Бұл бұ­рын-соңды болмаған үлкен қар­жылай қолдау. 

Елбасы көп балалы аналар, әлеу­­­­­меттік әлжуаз топтағы адам­­­­­дар­дың, мүгедектердің мұң-мұқ­­тажына зор көңіл бө­ліп отыр. Көп балалы отба­сын­­да­­­­ғы әр ба­­лаға төленетін жәр­дем­ақы кө­ле­мі 21 000 теңгені құ­­­рай­­­­тын бол­ды. Бұл аз көмек емес. 

Президенттің айқындаған 10 мақсаты жас отбасылар үшін үлкен көмек. Әр отбасы қолжетімді тұрғын үйді армандайды. Жылдан жыл­ға тұрғын үй құрылысы артып келеді. Осы жолы да «Нұрлы жол» бағдарламасы ая­сында 40 000 арендалық пәтер салуға тапсырма беріл­ді. Съезде қабылданған доктрина – сол арманға жетудің бірден-бір нақты қадамы. 

Әлемдік аренада әртүрлі масш­табтағы, түрлі даму жолын­дағы қаншама мем­лекет­­тер бар. Бірақ бүгінгі әлем­­­дік экономикалық дағ­да­рыс жағдайында Қазақстан хал­­қы­ның әлеуеті үшін осындай ба­тыл қадамдарға барып, бюджеттен қыруар қаржы бө­­ліп, шешім қабылдап отыр. Осы­­ның барлығы еліміз­дің Пре­­зи­денті Нұрсұл­тан Назар­баевтың ұстан­ған сая­­са­тының арқасы деп білеміз. 

Біз, аналар қауымы жас­тары­­­мызға ел бірлігін, ұрпақ сабақ­­тас­­тығын насихаттай оты­рып, Елбасының үмітін ақ­тап, Ота­ны­­мыздың жарқын бола­ша­ғын тәр­­биелейміз деп сендіргіміз келеді.

Сәлима НҰРМАҒАМБЕТОВА, 

Қарағанды облысы ҚХА Аналар кеңесінің құрметті төрайымы

Соңғы жаңалықтар

Ұқсас жаңалықтар