Тарих • 19 Наурыз, 2019

Әлихан Бөкейханға арналған музей ашылды

666 реткөрсетілді

Астана қаласындағы №76 мектеп-лицейде Алаш қайраткері Әлихан Бөкейханның музейі ашылды. Салтанатты шараға алаштанушы-ғалым, жазушы Тұрсын Жұртбай, әлихантанушы, ғалымдар Сұлтанхан Аққұлы мен Дихан Қамзабекұлы, Мәжіліс депутаты Берік Дүйсенбинов бастаған бір топ зиялы қауым өкілдері жиналды. Олардың ішінде 94 жастағы Әлиханның жиені, Ортай Әбдірахманов та болды.

Музей Алаш арысының өмір жолынан сыр шертетін бөлім­дерден тұрады. «Ұлтын сүйген ұлы жүрек» бұрышы Әлиханның туып-өскен, оқып-өнген уақытын суреттейді. Одан соң Омбы, Самара, Мәскеу кезеңін қамтыған мағлұматтар ұсынылған. Мұн­дағы дерек­тердің барлығы зерттелген, шынайы ақпараттың көшір­­мелерінен тұрады. Сондай-ақ өзгелерден ерекшелігі – заманауи құралдарды пайдалануында. Мәселен, бөлменің бір бөлігін алып жатқан Quick Response Code ұяшықтарына арнайы орна­тылған қосымшасы бар ұялы телефоныңызды жақындатсаңыз, тарихи тұлғалардың көзін көрген адамдар мен ұрпақтарының, зерттеушілердің естеліктерін, аудио ақпараттарын ести аласыз. Көрнекі құралдардың қатарында шағын бюст пен үлкен портрет және деректі фильмдер көр­сететін экран бар. 

– 1990 жылдан бері қарай Алаш қайраткері А.Байтұрсынұлы, М.Дулатовтарға музейлер ашы­­­лып жатыр. Ал сол Алаш қозғалысының идеологиялық негізін қалап, саяси көсеміне ай­налған, соның арқасында Қазақ елінің іргетасын қалаған, Алаш автономиясын құрып, оның тұңғыш төрағасы болған Әлиханға арналған тұңғыш ресми музей осы мектеп-лицейде ашылып отыр. Мен Тараз және тағы басқа бірнеше қалада Әлиханға деп жасақталған музейлерді ара­лап көрдім. Олардың көбінде материалдар интернеттен алынып, жүйесіз падаланылған. Бірақ шын мәнісінде, Әлиханның тұлғасын тереңірек аша түсетін, оның өмірбаянын кеңінен көр­сете білетін бірден-бір заманауи мұражай деп, осы жерді айта алар едім, – дейді белгілі алаштанушы ғалым Сұлтанхан Аққұлы.

Әлихан Нұрмұхамедұлына арналған музейдің дәл осы мектепте ашылуы тегіннен-тегін емес. Бұл туралы мектеп-лицей директоры Сафура Сейдуа­лиқызы айтып берді. 

– Тау тұлғаның 150 жыл­дығын атап өту қарсаңында мек­тептің «Заңғар» театр үйірмесі «Әлихан» спектаклін қойған еді. Мұндай ұсыныс сол кезде балалардан түсті. Біз оны қолдап, 2016 жылдан бері мектепке Ә.Бөкейханның есімін алуға жұмыс істеп жатырмыз. Алдымен музей ашсақ деп жүр едік. Ең бірінші мазмұндық тұр­ғыда қолдаған Алаштану зерттеу институтының директоры Сұлтанхан Аққұлы болды. Нәтижесін көріп отырсыздар. Ендігі үмітіміз – мектебіміз сол кісі­нің есімін иеленсе екен, – дейді Сафура Төлекова.

Ал жаңа музей әдебиетші-ғалымдардың оқушылармен кез­десетін интеллектуалдық орта­лығы ретінде де жұмыс істейтін болады.

Жанболат КЕНЖЕҒҰЛ,

«Egemen Qazaqstan»

Баннер
Соңғы жаңалықтар

Күн тәртібі белгіленді

Қазақстан • Бүгін, 10:07

Аралар ұясындағы ұйқы – ем

Аймақтар • Бүгін, 09:59

Кезекті финалист анықталды

Аймақтар • Бүгін, 09:58

Сағынышқа толы суреттер

Руханият • Бүгін, 09:52

Кәсіпорындар да шет қалмайды

Аймақтар • Бүгін, 09:41

Ұқсас жаңалықтар