«Су басқан аумақ өзенге жақын орналасқан. Ақпан және наурыз айларында жергілікті билік тасқынның алдын алу мақсатында өзен бойына екі шақырымдай жерге топырақ үйген болатын. Алайда бұл су деңгейі күрт көтерілген өзенге тоқтау сала алмады. Су басқан екі үйдің біреуі бос тұрған. Екінші үйдің тұрғындарына уақытша баспана берілді», - делінген департаменттің баспасөз қызметі таратқан ақпаратта.
Аталған департамент мамандары бүгін Кривинка және Жетіжар ауылдарының маңында Ертіс өзенінде мұз жару жұмыстарын жүргізу жоспарланып отырғандығын да хабарлады.
Азамат ҚАСЫМ,
«Egemen Qazaqstan»
Шығыс Қазақстан облысы,
Бесқарағай ауданы
