«Қазақстандық индустрияны дамыту институты» АҚ индустриялық-инновациялық қызмет субъектілерінен (экспорттаушылардан) өңделген отандық тауарларды ілгерілету шығындарының бір бөлігін өтеу туралы өтінімдерді қабылдау рәсімінің басталғанын хабарлайды.
Индустриялық-инновациялық қызмет субъектілерінің тауарларды ілгерілету шығындарының бір бөлігін өтеу мынадай түрлер бойынша жүргізіледі:
1) шетелде жарнамалық тауарларға байланысты шығындар;
2) халықаралық көрмелерге, жәрмеңкелерге, фестивальдерге тікелей қатысу құны;
3) шет тілдеріне аудару және шетелге тарату үшін мамандандырылған каталогты жариялауға байланысты шығындар;
4) шетелдегі өкілдікті, бөлімшені және қойманы ұстау құнын;
5) шетелде тауар таңбаларын (брендін) тіркеуге байланысты рәсімдерді жүргізу шығындары;
6) тауарларды шетелде сертификаттауға байланысты рәсімдерді жүргізуге жұмсалатын шығындар;
7) тауарларды теміржол және (немесе) автомобильмен (Қазақстан Республикасы шегінде) жеткізуге байланысты шығындар.
