Отырысқа мемлекеттік органдар, отандық теміржол өнімдерін өндіруші ұйымдар өкілдері қатысты.
«Қазақстан темір жолы» ҰК» АҚ Бас инженері – Басқарушы директор, ТК 40 төрағасы Батыр Котырев ТК 40 жұмысында «ҚТЖ» ҰК» АҚ құрылымдық бөлімшелері мен еншілес ұйымдарының әрбір техникалық сарапшы-маманының үлесі және теміржол көлігі саласындағы стандарттарды әзірлеуді сүйемелдеудегі Комитеттің маңызды рөлін атап көрсетті.
2018 жылы ұйымның алты сатандарты, мемлекетаралық стандарттың үш жобасы әзірленді. Сондай-ақ «Теміржол көлігі» ХТК 524 стандарттау жөніндегі мемлекетаралық техникалық комитеті мен «Railway Applications» 269 ISO/TC халықаралық техникалық комитетінің жұмысы шеңберінде 7 халықаралық құжат, 25 ұлттық стандарттар жобасы, 60 аса мемлекетаралық стандарттар қарастырылды.
Отырыс барысында өткен жылдың қазанында қабылданған жаңа «Стандарттау туралы» ҚР Заңының талаптары шеңберінде ТК-40 ары қарайғы жұмысы, «Электронды техникалық комитеттер» ақпараттық жүйесі жұмысының мәселелері талқыланды.
Шара шеңберінде ТК №40 мүше-ұйымдарының ыңтымақтастығы туралы ережеге қол қойылды. Құжат комитет мүшелерінің стандарттау саласындағы бірлескен жұмысын реттейді.
Отырыста ерекше көзге түскен мамандар алғыс хаттармен және құрмет грамоталарымен марапатталды.
