Экономика • 16 Сәуір, 2019

Р.Дәленов: Өнеркәсіп бойынша бірқатар өңірлерде өсу байқалады

635 реткөрсетілді

Бүгін Үкімет отырысында Ұлттық экономика министрі Р.Дәленов өңірлердегі өнеркәсіптің даму қарқыны туралы баяндады.

«Өнеркәсіп бойынша жоғары өсу Шығыс Қазақстан облысында, Нұр-Сұлтан қаласында, Атырау және Қостанай облыстарында байқалады. Ал Қызылорда, Қарағанды, Батыс Қазақстан және Маңғыстау облыстарында өсу қарқыны баяу», деді ол.

Бұдан соң, министр өңірлердегі құрылыс саласының өзгерістерін баяндады.

«Құрылыс бойынша артта қалған өңірлер саны 8-ден 4 -ке дейін қысқарды. Нұр-Сұлтан қаласы, Ақмола облысы, Шымкент қаласы және Маңғыстау облысы артта қалып отыр. Өткен жылғы құрылыс жұмыстары мен ірі объектілерді реконструкциялау көлемін есептемегенде, Нұр-Сұлтан қаласындағы құрылыс ағымдағы жылғы қаңтар-наурызда 1,9%-ға өсті», деді Р.Дәленов.

Оның айтуынша, негізгі капиталға инвестициялар бойынша серпіннің едәуір бәсеңдеуі Шымкент және Нұр-Сұлтан қалаларында, сондай-ақ Ақмола облысында байқалады.

«Шымкент қаласындағы инвестициялардың елеулі қысқаруы негізінен мұнай өндеу зауытын жаңартудың аяқталуына байланысты. Инвестицияларды тарту бойынша озық серпінді Қызылорда облысы 2,3 есеге өсумен көрсетуде», деді министр.

Бұдан соң, ол Нұр-Сұлтан және Шымкент қалаларында азық-түлік тауарларына бағаның жоғары өсуі байқалатынын айтты.

«5 өңір бірден бірнеше көрсеткіш бойынша жақсы серпін көрсетті. Бұл Атырау, Шығыс Қазақстан, Қостанай, Қызылорда және Павлодар облыстары. Мысалы, Атырау облысында өнеркәсіп бойынша оның ішінде өңдеу және кен өндіру, тұрғын үйлерді пайдалануға беру, инвестициялар және құрылыс  бойынша елеулі өсу байқалады», деді Ұлттық экономика министрі.

Оның айтуынша, биылғы жылдың бірінші тоқсанының қорытындылары бойынша бірқатар көрсеткіштерде жақсару байқалады.

«Біріншіден, нақтыланған бюджетті қаржыландыру ашылуда. Бұл тұтынушылық және инвестициялық сұранысты күшейтеді. Екіншіден, құрылыс, инвестициялық жұмыстар, сондай-ақ Агро өнеркәсіп кешені саласындағы жұмыстар кезеңі ашылуда. Үшіншіден, екінші тоқсанда дәстүрлі түрде шағын және орта бизнес жанданады. Сондықтан осы кезеңде экономикаға жаңа ақшаны жылдам беруді ұйымдастыру, мемлекеттік бағдарламаларды қаржыландыруды жеделдету маңызды», деді Р.Дәленов.

Баннер
Соңғы жаңалықтар

Медицина цифрландыруды таңдайды

Қазақстан • Бүгін, 10:16

Ашықтықтың артықшылығы көп

Аймақтар • Бүгін, 09:49

Құттықтаулар легі жалғасуда

Қазақстан • Бүгін, 09:46

Әлкей Марғұлан мұралары

Қазақстан • Бүгін, 09:42

Түлен түрткен түс

Аймақтар • Бүгін, 09:37

Сабыр түбі – сары алтын

Қоғам • Бүгін, 09:21

Құлманбетовтің қызыл алмалары

Аймақтар • Бүгін, 09:18

Қолқаны қапқан иістен құтыла ма?

Аймақтар • Бүгін, 09:16

Сырттан қаржы тарту қарқыны үдеді

Қазақстан • Бүгін, 09:14

Ұлы дала кеңістігіндегі абыздық

Қазақстан • Бүгін, 09:05

Сыр тарихымен сырласады

Аймақтар • Бүгін, 08:56

Тұғыры биік Тарбағатай

Аймақтар • Бүгін, 08:52

Арыстағы апат

Аймақтар • Бүгін, 08:39

Жан дүниемізді кірлетпейік

Қоғам • Бүгін, 08:38

Ұқсас жаңалықтар