«2018 жылы Қазақстанның шикізаттық емес экспорты 15,7 млрд долларды құрады және өткен жылдың сәйкес кезеңімен салыстырғанда 1%-ке (2017 жылы 15,6 млрд АҚШ доллар) артты. Химия өнеркәсібі 2,6%-ке (тыңайтқыштар, сары фосфор, полимерлер), минералды өнімдер 14,6%-ке (мұнай өнімдері, кокс және тас көмірден жартылай кокс, мұнай битумы), машина жасау 11%-ке, азық-түлік өнімдері 7,6%-ке өсті», деді Роман Скляр.
Сонымен қатар Министрдің айтуынша, бүгінгі таңда Қазақстан 120 елге 800 тауар түрін шығарады.
«Өңдеу өнеркәсібінің негізгі экспорттық тауарлары - ферроқорытпа, өңделмеген мырыш, тазартылған мыс, уран, мұнай газдары, трансформаторлар және аккумуляторлар (шикізаттық емес экспорттың 51% - ын металлургия құрайды)», деді министр.
Сондай-ақ Министрліктің есебі бойынша, елімізде 2018 жылы дайын өнімнің экспорты 16%-ке (485 млн АҚШ доллары) артқан. Ал өнімдер экспортында дайын өнімдер экспортының үлесі 2017 жылмен салыстырғанда 2,5 пайыздық тармаққа өсіп, 23%-ті құраған.
