18 Сәуір, 2019

Нидерланды елімізде картоп фриін шығаратын зауыт салуға ниетті

684 реткөрсетілді

Ауыл шаруашылығы министрі Сапархан Омаров Нидерланды Корольдігінің Төтенше және Өкілетті Елшісі Дирк Ян Коппен кездесті, деп хабарлайды, ҚазАқпарат тілшісі.

Кездесу барысында тараптар ауыл шаруашылығы өнімдері тауарларының  айналымы, ауыл шаруашылығы өнімдерін өңдеу және қайта өңдеу саласындағы бірлескен инвестициялық жобаларды жүзеге асыру мәселелерін талқылады. Атап айтқанда, Алматы облысында картоп фриін шығаратын зауыт  құрылысы мен Павлодар облысында нидерландиялық Lely компаниясымен бірлескен  демонстрациялық сүт фермасын құру жобалары қарастырылды. 

Айта кетейік, Нидерланды қазақстанның экономика және ауыл шаруашылығы саласындағы маңызды серіктесі саналады. 2018 жылы Қазақстанның Нидерландымен агроөнеркәсіп кешені өнімдерінің тауар айналымы 68,1 млн долларды құрады. Бұл ретте экспорт көлемі 2017 жылмен салыстырғанда 2 есе артып, 10,1 млн доллардан 22,2 млн долларға жетіп отыр.

Баннер
Соңғы жаңалықтар

Ұқсас жаңалықтар