Осымен 18-ші рет ұйымдастырылған сайысқа Қарағанды қаласындағы 78 білім ұйымының 78 командасы бақ сынады. Марафон шарты бойынша әрбір қатысушыға қазақ, орыс, ағылшын, математика және әлемді тану пәндері бойынша тапсырмалар берілді. Оқушылар тапсырманы 2 сағат ішінде орындауға тиіс болды.
Сайыс қорытындысында, иннвациялық мектептер арасында 1-орынды және «Жыл командасы-2019» атағын №38 гимназияның оқушылары жеңіп алды.
Жалпы білім беру мектептері арасындағы сында №16 орта мектептің командасы үздік шықты.
Ал «Жыл оқушысы-2019» атағы №38 гимназияның оқушысы Ілияс Қуанышбековке бұйырды. Ол марафон қорытындысында өзінің командасына 56 ұпай әкелген болатын. Бұл – жылдың ең үздік көрсеткіші.
Қарағанды облысы
