Онда білім ордасының оқушылары түрлі ұлттардың мәдениетін саралап, өз өнерлерін ортаға салды. «Digital urpaq» оқушылар сарайына жиналған қалың көрермендер алдында бір шаңырақ астында тату-тәтті тұрып жатқан этностардың мәдениеті мен салт-дәстүрлері ұлықтаылды.
«Мұндай іс-шаралардың тәрбиелік мәні өте зор. Бір-біріміздің ұлттық құндылықтарымызды құрметтей, білсек, ынтымағымыз да беки түседі», дейді оқушылар сарайының әдістемелік бөлімінің меңгерушісі Кәмшат Мусина.
Фестивальға қатысушылар әр ұлттың мәдениетін, әдет-ғұрыптарын кеңінен таныту мақсатымен жүктелген тапсырмаларды талапқа сай орындап шықты. Мәселен, №26 орта мектебінің оқушылары орыс ұлтының салт-дәстүрлерін ұсынып, түрлі тағамдары мен билері екн әндерін әзірлеп келіпті.
Сондай-ақ қазақ, украин, корей, татар, тағы басқа ұлттардың рәсімдері ұсынып, үздік деп танылған командалар мен сайыскерлер алғыс хаттармен, сыйлықтармен марапатталды.
Солтүстік Қазақстан облысы
