Аталған тұрғын үй мемлекеттік «Нұрлы жер» бағдарламасы бойынша өткен жылы салынды. Мердігер «Бином» жауапкершілігі шектеулі серіктестігі. «Бәйтерек» ауданындағы бұл көпқабатты тұрғын үй әлеуметтік жағынан қорғалатын топтардың азаматтарына жекешелендіру құқығынсыз беріліп отыр. Сонымен қатар, арендалық айлық төлем көрсеткіші 5500-6000 теңге көлемінде есептелген. Пәтер алушылар қатарында 12 жетім бала, әлеуметтік жағынан қорғалатын 31 адам, мемлекеттік және бюджеттік ұйым қызметкерлерінен 17 адам бар. Тұрғын үйдің көлемі 3 бөлмелі 71, 2 бөлмелі 58, 1 бөлмелі пәтерлер 40 шаршы метрді құрайды. Жалпы пәтерлердің құны 8-11 миллион теңге көлемінде. Пайдалануға берілген 60 пәтерлік үй ішінде 3 бөлмелі 30, 2 бөлмелі 15, ал 1 бөлмелі 15 пәтер бар.
