Сайлау • 03 Мамыр, 2019

Президент сайлауына екінші кандидат тіркелді

1030 рет
көрсетілді
1 мин
оқу үшін

Бүгін Орталық сайлау комиссиясының отырысында 2019 жылдың 9 маусымына тағайындалған кезектен тыс Президент сайлауына Сәді-Бек Түгелді Қазақстан Республикасы президенттігіне кандидат ретінде тіркеу туралы қаулы қабылданды. Бұл туралы Орталық сайлау комиссиясының ресми сайты хабарлады.

Президент сайлауына екінші кандидат тіркелді

«2019 жылғы 9 маусымға тағайындалған Қазақстан Республикасы Президентінің кезектен тыс сайлауында Сәді-Бек Түгел Қазақстан Республикасы президенттігіне кандидат ретінде тіркелсін; президенттікке кандидат Сәді-Бек Түгелге тиісті куәлік берілсін; президенттікке кандидат Сәді-Бек Түгелдің «Халықтық Жинақ Банкі» акционерлік қоғамына арнайы уақытша шот ашу үшін тіркелуі туралы мәліметтер берілсін; бұқаралық ақпарат құралдарында Қазақстан Республикасы президенттігіне кандидат Сәді-Бек Түгелдің тіркелгені туралы хабарлама жариялансын» делінген ОСК мүшесі Бақыт Мелдешов жария еткен ОСК қаулысында. 

Орталық сайлау комиссиясының мүшелері қаулы жобасына дауыс беріп, ол бірауыздан қабылданды. Осыдан кейін ОСК төрағасы Берік Имашев президенттікке кандидат Сәдібек Түгелге тиісті куәлікті табыс етті.