Аймақтар • 07 Мамыр, 2019

Екібастұздықтар «Balabaqsha.sitcen.kz» қызметін пайдалануда

1886 рет
көрсетілді
1 мин
оқу үшін

Қала әкімдігінің мәліметінше, бұл қызмет түрі өте тиімді.

Екібастұздықтар «Balabaqsha.sitcen.kz»  қызметін пайдалануда

Балаларын балабақша кезегіне қою үшін бұрынғыдай әр бөлімге жүгіріп  жүрмейді.

Ата-ана қолындағы ұялы телефонын немесе үйдегі интернет желісі арқылы  «Balabaqsha.sitcen.kz» автоматтандырылған қызмет түріне қосыла алады.

Балабақшаға кезекті автоматтандыру жүйесін орнатуға бірнеше фирма қызметін ұсынып, «InCraft» ЖШС-і таңдалыпты.

Қазір қызмет жүйеленіп, кідіріссіз жұмыс жасауда.

Автоматтандырылған жүйе арқылы өтініштерді тіркеу, шарт жасасу қызметтері байланыс тек ата-ана мен балабақша арасында ғана болады.

Жаңа жүйені іске қосу еліміздегі жаңа мемлекеттік стандартқа сәйкес қолға алынған.

Порталға қосылып, әрбір ата-ана өз өңірін таңдайды.

Екібастұзда  «Алтынай», «Радуга», «Малыш», «Балауса», «Қарлығаш», «Балдәурен», «Балапан» секілді  20-ға жуық балабақша бар.

Ал, облыста өткен жылы 500 бала балабақшаға жолдама алған.