- Бүгіннен бастап эфирдеміз. «Талдықорғаннан сөйлеп тұрмыз», Жетісудан жаңалық жеткіземіз. Радио күні эфирге шығуды мұрат тұтып едік. Таңертеңгілік «Шұғыла» хабары әуетолқынына шықты. Барлық радиожурналистерді бүгінгі мерекесімен құттықтаймын» - дейді белгілі ақын әрі радиожурналист Айнұр Төлеу.
«Жетісулықтар» дайындаған радио хабарлар енді «99.9» жиілігі бойынша таралатын «Nostalgie FM» радиосының бағдарламасынан 4 сағат бойына беріледі. Болашақта телеарна жеке жиілік алып, дербес радио арнасына айналуды жоспарлап отыр.
Жалпы, Талдықорған аумағында жергілікті радио қызметі осыдан 22 жыл бұрын, облыстың таратылуымен бірге жабылған болатын. Ал «Жетісу» арнасының радиохабар тарата бастауы осы үзілген дәстүрді жалғап, тыңдармандардың тілегін орындау болмақшы.
